ჯანელიძე: ვერ ვხედავთ მიმართულებას, რომელიც ხელს შეუშლიდა ვიზალიბერალიზაციას

საგარეო საქმეთა სამინისტროს და საქართველოს მთავრობის სხვადასხვა მინისტრების აქტიურობა მიმართულია იმისკენ, რომ მაქსიმალურად შევამციროთ ყველა ის რისკი, რომელიც შეიძლება უარყოფით გადაწყვეტილებასთან იყოს დაკავშირებული. ჩვენ დღეს ვერ ვხედავთ ვერცერთ ისეთ მიმართულებას, რომელიც ხელს შეუშლიდა ამ გადაწყვეტილების მიღებას. მრავალი ვიზიტი გავმართე ევროპულ დედაქალაქებში, ასევე ვიზიტებით საქართველოს სტუმრობენ ჩემი კოლეგები, ჩვენ ვსაუბრობთ ამ საკითხებზე და არცერთი შეხვედრის დროს არ გამოკვეთილა არცერთი ის პრობლემატიკა, რომელიც ხელს შეუშლიდა საქართველოსთან ამ გადაწყვეტილების მიღებას.