ნებისმიერ მინისტერიალზე, ნებისმიერ სამიტზე, ნებისმიერ ოფიციალურ ღონისძიებაზე, რომელიც NATO-საქართველოს ფორმატში ტარდება, რა თქმა უნდა, ჩვენ მუდმივად ვაყენებთ ამ [NATO-ში გაწევრიანების] საკითხს. რაც შეეხება ვარშავის სამიტს, იმის გათვალისწინებით, რომ ეს მთავრობის გადასაწყვეტია, ბუნებრივია, ჩვენ გვაქვს ძალიან კონკრეტული მოთხოვნები. დეკემბრის მინისტერიალზე მე წარვადგინე მრავალპუნქტიანი გეგმა, რომელიც ძალიან კონკრეტული, ძალიან ცალსახაა. ჩვენ, ყველანი ერთად - პრემიერმინისტრი, საგარეო საქმეთა მინისტრი, მე, ქვეყნის პრეზიდენტი, ყოველდღიურ რეჟიმში ვიბრძვით და ვცდილობთ, რაც შეიძლება ფართომასშტაბიანი შედეგი მივიღოთ, ანუ საერთაშორისო თანამშრომლობის ფარგლებში დაკმაყოფილდეს ყველა პუნქტი, რომელიც ჩვენს მოთხოვნაშია წარდგენილი, რომელიც ემსახურება ქვეყნის თავდაცვისუნარიანობის განმტკიცებას, ჩვენი ქვეყნის ძალის შეკავების გაძლიერებას.
NATO-საქართველო
ხიდაშელი: ვარშავის სამიტზე გვაქვს ძალიან კონკრეტული მოთხოვნები
