პრემიერი: ვისურვებდი, რომ რუსთავი 2 იყოს ისეთივე კარგი, როგორიც დღესაა

რუსთავი 2-ის საქმეს ორი განზომილება აქვს, პირველი მფლობელების საქმეს ეხება, მეორე განზომილება კი, მედიის თავისუფლებას. მე საგარეო საქმეთა მინისტრობის დროს რუსთავი 2-ის დამოუკიდებელი სარედაქციო პოლიტიკის მიმართ არაერთი მხარდამჭერი განცხადება გავაკეთე. წინადადება მქონდა, შექმნილიყო ბორდი, სადაც შევიდოდნენ არასამთავრობოები და მედიის წარმომადგენლები, რომლებიც უზრუნველყოფდნენ რუსთავი 2-ის დამოუკიდებელ სარედაქციო პოლიტიკას. როგორც გითხარით, ამ საქმეს ორი განზომილება აქვს, ერთი ეხება მფლობელების საქმეს, მთავრობას არ აქვს საშუალება ჩაერიოს სასამართლო პროცესში, მაგრამ თუ ჩემს პირად მოსაზრებას მეკითხებით, ვისურვებდი, რომ რუსთავი 2 იყოს ისეთივე კარგი, როგორიც დღესაა, ისეთივე კრიტიკული სამთავრობო პოლიტიკის მიმართ, როგორიც დღეს არის, და რომ არ მიეცეს ოპოზიციას საშუალება, ამ თემით სპეკულირება მოახდინოს არჩევნების წინ.