ჩვენი ქვეყნისთვის ამერიკა წლების განმავლობაში იყო უსაფრთხოების გარანტი, რუსეთისგან მომავალი საფრთხეებისგან ჩვენი მთავარი დამცველი, ჩვენი თავდაცვისუნარიანობის მთავარი მხარდამჭერი, NATO-ში ინტეგრაციის ლოკომოტივი, დემოკრატიული პროცესების გარანტი და ამიტომ, ბუნებრივია, რაც უფრო ხშირად გაიმართება ასეთი დონის ვიზიტები, ეს მით უფრო აძლიერებს ჩვენს ქვეყანას. სამწუხაროა, რომ ესაა მხოლოდ ერთი ვიზიტი ამ 4 წლის განმავლობაში. ნამდვილად იყო იმის საშუალება, რომ უფრო ინტენსიური ყოფილიყო ჩვენი ურთიერთობები ამ 4 წლის განმავლობაში იგივე ამერიკასთან. სამწუხაროდ, ამ 4 წლის განმავლობაში ჩვენი დიპლომატიური ძალისხმევა მიმართული იყო არა კონკრეტული შედეგების მიღწევაზე ყველა მიმართულებით, რომელიც მე ჩამოვთვალე, არამედ იყო ძირითადად ოპოზიციის დისკრედიტაციაზე. ჩვენ გვახსოვს ვიზიტები, რომლებიც პირდაპირ ეძღვნებოდა ოპოზიციის ლანძღვას... ასევე ძალიან მნიშვნელოვანი იყო, როდესაც რუსთავი 2-ის გამო ჩვენ ამერიკა გვესაუბრება, რომ ქვეყანამ შეიძლება რაღაცა ფასი გადაიხადოს. სამწუხაროდ, ჩვენ ოთხი წლის განმავლობაში ვერ გამოვიყენეთ ის პოზიტიური პოტენციალი, რომელიც ამერიკასთან ურთიერთობაში გვაქვს. თუმცა, ჩვენს გუნდს აქვს ძალიან მკაფიო ხედვა იმისა, თუ როგორ მივაღწიოთ კონკრეტულ შედეგს ყველა ამ მიმართულებით, იქნება ეს NATO-ში ინტეგრაციის მიმართულება თუ თავისუფალი ვაჭრობა. ჩვენ ფაქტობრივად გამზადებული დავახვედრეთ გადაწყვეტილებები. ამას სჭირდებოდა მწყობრი საგარეო პოლიტიკა და ამის მისაღწევად ჩვენ ახლა გვაქვს კონკრეტული ხედვა, როგორ უნდა დავდოთ ეს შედეგები.
tbl.ge/1sn3
დაკოპირდა
ენმ-ის წევრი ელენე ხოშტარია ჯონ კერის ვიზიტის შესახებ, რუსთავი 2-ის ეთერში.
ამავე თემაზე
- ჯონ კერის თვითმფრინავი ტექნიკური მიზეზით თბილისში დაეშვა
- სამადაშვილი: იმის მიუხედავად, რას შვრება მთავრობა, აშშ ჩვენი ხალხის მეგობარია
- რუხაძე: აშშ-ის მთავარი გზავნილი არის ის, რომ შერჩევით სამართალზე უარი ვთქვათ
- ბოკერია: ჩვენი ხალხის არჩევანია, რომ ქვეყანა დასავლური დემოკრატია იყოს
- ბაქრაძე კერისთან შეხვედრაზე: რუსთავი 2-ზე ძალიან დეტალური საუბარი გვქონდა