მინდა, კიდევ ერთხელ განვმარტო, რომ ბოლო პერიოდის განმავლობაში ჩვენ არაერთი კონსტრუქციული ნაბიჯი გადავდგით ოპოზიციასთან დიალოგის რაიმე ფორმატის შესაქმნელად და ამას, რა თქმა უნდა, მომავალშიც გავაგრძელებთ. პარლამენტი უნდა იყოს ადგილი, სადაც დიალოგი მიმდინარეობს და რა თქმა უნდა, მნიშვნელოვანია, რომ ისეთ პრობლემებზე საუბრისას, როგორიცაა ოკუპაცია და ა.შ. ქვეყანამ შეძლოს ერთიანი პოზიციით გამოსვლა. სამწუხაროდ, ჩვენი ასეთი კონსტრუქციული დამოკიდებულების მიუხედავად, რომელიც პარლამენტში ჩვენს მიერ გადადგმული ნაბიჯით და ერთობლივი რეზოლუციის მიღებით გამოიხატა, პასუხად მივიღეთ აბსოლუტურად დესტრუქციული ბრალდებები და დამოკიდებულება ოპოზიციონერების, მათ შორის “ევროპული საქართველოს” მხრიდან, ადამიანებისგან, რომ ადამიანებმა, რომლებმაც დატოვეს უმძიმესი კვალი ჩვენი ქვეყნის უახლეს ისტორიაში, საოკუპაციო ძალასთან ერთად შექმნეს ძალიან მძიმე ვითარება ჩვენს ქვეყანაში ოკუპაციისა და ჩვენი ორი ისტორიული რეგიონის ცალმხრივი აღიარების თვალსაზრისით. ამ ადამიანებს არ გააჩნიათ მორალური უფლება, რაიმე კონკურენციაში შევიდნენ იმ პოლიტიკურ ძალასთან, რომელმაც ყველაფერი გააკეთა, რათა ქვეყანაში შეექმნა სრულიად სხვა - განვითარების ატმოსფერო. რა თქმა უნდა, პრობლემა დღესაც უამრავია, მაგრამ ჩვენ თანმიმდევრულად მივდივართ იმ განვითარების მიზნისკენ, რასაც ჰქვია ჩვენი მოსახლეობისთვის კეთილდღეობის შექმნა და რა თქმა უნდა, ჩვენი ქვეყნის გაერთიანება. ჩვენ ამას ყველანი ერთად შევძლებთ. ჩვენი მხრიდან ყოველთვის იქნება კონსტრუქციული მიდგომა, მაგრამ მინდა, ჩვენმა მოსახლეობამ კარგად დაინახოს ის ქედმაღალი, ძალიან უღირსი დამოკიდებულება და პასუხი, რომელიც მიიღო ჩვენმა პოლიტიკურმა ძალამ ჩვენს მიერ გადადგმული კონსტრუქციული ნაბიჯების საპასუხოდ.
tbl.ge/2uyu
დაკოპირდა
თქვა გიორგი კვირიკაშვილმა კონკურენტების შესახებ დასმული კითხვის პასუხად ვანში, სადაც ვანის და ხონის მაჟორიტარობის კანდიდატი, გივი ჭიჭნაძე წარადგინა.
ამავე თემაზე
- კვირიკაშვილი: როცა პრემიერი ვიყავი, დიდი ხარისხის თავისუფლება მქონდა ივანიშვილისგან
- კვირიკაშვილი გადადგომაზე: UNICEF-ის კვლევის მიზეზად მოტანა მგონია, რომ მთლად სერიოზული არაა
- კვირიკაშვილი: არ ვაპირებ აქტიურ პოლიტიკაში ჩართვას
- კვირიკაშვილი: ივანიშვილი რუსეთის კაცი არ მგონია, თუმცა გადაწყვეტილებების დნმ დასავლური არაა
- კვირიკაშვილი: ჩვენი ინსტიტუტები არ მუშაობს და ივანიშვილს აქვს გადაჭარბებული ძალაუფლება