ერთიანი ნაციონალური მოძრაობა

გოცირიძე: კაკაბაძეს მხარს ვუჭერდით, მაგრამ პარტიული ღონისძიების გამო სესიაზე არ ვიყავით

დღეს პარტიაში მნიშვნელოვანი ღონისძიება გვაქვს, ჩვენ დღეს არ ვმონაწილეობდით პარლამენტის სხდომაში. არ იყო დღეს ნაციონალური მოძრაობა ქუთაისში. ჩვენ ნინია კაკაბაძეს დავუჭირეთ მხარი, როდესაც პირველად იყო გამოტანილი მისი საკითხი, ჩვენ ვუჭერთ მის კანდიდატურას მხარს, განცხადებაც გავაკეთეთ არაერთხელ, ისევე, როგორც ჩვენ ვუჭერთ მხარს ქალების კვოტირების საკითხს და ეს დავადასტურეთ კენჭისყრაში, როდესაც ვიყავით პარლამენტში. დღეს გვაქვს მნიშვნელოვანი ღონისძიება და ვართ იქ

ერთიანი ნაციონალური მოძრაობის დეპუტატი რომან გოცირიძე ტაბულასთნა საუბრისას. საზოგადოებრივი მაუწყებლის სამეურვეო საბჭოს წევრად ნინია კაკაბაძე პარლამენტმა დღეს დაამტკიცა. კენჭისყრის შედეგების მიხედვით, ნინია კაკაბაძის კანდიდატურას მხარი 55-მა დეპუტატმა დაუჭირა, ხოლო 12 წინააღმდეგ წავიდა. კაკაბაძის კანდიდატურა სამეურვეო საბჭოს წევრად „ევროპულმა საქართველომ“ დაასახელა.

კომენტარები