როგორც იცით, სოციალურ ქსელში ამასთან დაკავშირებით განცხადება გავრცელდა, რომლის გამოქვეყნებისთანავე, საჯარო სივრცეში გავრცელებულ ინფორმაციაზე დაუყოვნებლივ დაიწყო გამოძიება. იმავე დღეს დავუკავშირდით ქალბატონ ინგა გრიგოლიას და იგი დაბარებულ იქნა გამოკითხვაზე. გუშინ, უკვე ნაშუადღევს, ქალბატონი ინგა გამოცხადდა საგამოძიებო სტრუქტურაში. მისი გამოკითხვა რამდენიმე საათის განმავლობაში მიმდინარეობდა, ვინაიდან მან მოყვა ბევრი ფაქტი, რომლებიც, როგორც ამ ბოლო პერიოდში, ასევე, წინა პერიოდში, მის მიმართ ხდებოდა. მისივე მონაწილეობით ჩატარდა რამდენიმე საგამოძიებო მოქმედება. ქალბატონი ინგა გრიგოლიას გამოკითხვის საფუძველზე ჩატარდა სხვა საგამოძიებო მოქმედებები და გამოკითხული იქნებიან მოწმეები. შს სამინისტრო სრული პასუხისმგებლობით აცხადებს, რომ მიღებულია ზომები, რათა ქალბატონი ინგას უსაფრთხოება დაცული იქნას და ამის სრულ გარანტიას სამინისტრო ნამდვილად იძლევა. უახლოეს მომავალში, აღნიშნულ სისხლის სამართლის საქმეზე გამოძიება სრულყოფილად იქნება ჩატარებული და თავისთავად ცხადია, დადგება შესაბამისი პირის პასუხისმგებლობის საკითხი.
tbl.ge/2xmx
დაკოპირდა
შინაგან საქმეთა სამინისტროს ადამიანის უფლებების დაცვის დეპარტამენტის ხელმძღვანელი ლონდა თოლორაია ჟურნალისტ ინგა გრიგოლიას გამოკითხვის შემდეგ.
ამავე თემაზე
- ინგა გრიგოლია TV პირველის დირექტორის პოსტს ტოვებს
- გრიგოლია: პროკურატურამ ფსიქიატრიული ექსპერტიზის ჩატარება მომთხოვა, ჰიჩკოკის II სერია დაიწყო
- კაცს, რომელიც ინგა გრიგოლიას ემუქრებოდა, აღკვეთის ღონისძიებად პატიმრობა შეეფარდა
- პირს, რომელიც ინგა გრიგოლიას ემუქრებოდა, ბრალი წარუდგინეს
- პირი, რომელიც ინგა გრიგოლიას ემუქრებოდა, დაკავებულია