ჩემი წარმოდგენა გიორგი კვირიკაშვილზე, რაც იყო ის დარჩა. მე მადლობა გადავუხადე. ჰქონდა შეცდომებიც, ჰქონდა პრობლემებიც, მაგრამ არ მიმაჩნია, რომ ის იყო ყველა ბოროტების სათავე ამ ქვეყანაში. გარკვეული შენიშვნები იყო იმასთან დაკავშირებით, რომ მოსახლეობისთვის ჭარბვალიანობასთან და სიღარიბესთან მიმართებაში შესაძლებელი იყო უფრო ადრე გადადგმულიყო ნაბიჯები და დაგვეჩქარებინა რეფორმები. ამაში მე თვითონაც მქონდა გარკვეული შენიშვნები, მაგრამ პოლიტიკა არ უნდა იყოს ანგარიშსწორების ასპარეზი. მე არ ვაღიარებ პოლიტიკას, რომლითაც შეიძლება ვთქვა - „მეფე მოკვდა, გაუმარჯოს მეფეს“. ეს არის შუა საუკუნეების თემა. შეგვიძლია ვთქვათ, გაუმარჯოს მეფეს და დავანებოთ წინას თავი. მე ჩემს პოზიციას გეუბნებით. რა თქმა უნდა, სულ სხვა პოზიცია გამოთქვა პარტიის თავმჯდომარემ, ეს მისი თემა იყო იმიტომ, რომ მათ ჰქონდათ ეს კონსულტაციები. მე ამ კონსულტაციების მომსწრე არ იყავი. ჩემთვის გიორგი კვირიკაშვილი, რაც იყო ის დარჩა
tbl.ge/31u7
დაკოპირდა
საპარლამენტო უმრავლესობის წევრი აკაკი ზოიძე ყოფილი პრემიერის კვირიკაშვილის შესახებ, რომელიც ბიძინა ივანიშვილმა ბოლო ინტერვიუში გააკრიტიკა. ზოიძის ამ კომენტარს ინტერპრესნიუსი ავრცელებს.
ამავე თემაზე
- კვირიკაშვილი: როცა პრემიერი ვიყავი, დიდი ხარისხის თავისუფლება მქონდა ივანიშვილისგან
- კვირიკაშვილი გადადგომაზე: UNICEF-ის კვლევის მიზეზად მოტანა მგონია, რომ მთლად სერიოზული არაა
- კვირიკაშვილი: არ ვაპირებ აქტიურ პოლიტიკაში ჩართვას
- კვირიკაშვილი: ივანიშვილი რუსეთის კაცი არ მგონია, თუმცა გადაწყვეტილებების დნმ დასავლური არაა
- კვირიკაშვილი: ჩვენი ინსტიტუტები არ მუშაობს და ივანიშვილს აქვს გადაჭარბებული ძალაუფლება