როდესაც გამოხატვის თავისუფლება საჭიროებს გარკვეულ ფორმებს, მუნიციპალიტეტს აქვს იმის დისკრეცია, შესთავაზოს ალტერნატიული ფორმები და აწარმოოს მოლაპარაკება საპროტესტო ჯგუფთან იმასთან დაკავშირებით, სად და რა ფორმით მოხდება საპროტესტო აქციის ჩატარება იმიტომ, რომ შეუძლია მუნიციპალიტეტს მარტივად უთხრას, რომ აქ აქციის ჩატარება მე ხელს მიშლის და იქნებ თქვენი გამოხატვის თავისუფლება გამოავლინოთ სხვა ადგილას. ასეთი მოლაპარაკებები აბსოლუტურად ლეგიტიმურია, აქ ქვეტექსტების დანახვა აბსოლუტურად არასწორია, თუ შენ შეგნებულად არ ცდილობ ამ ქვეტექსტების შექმნას. რაც შეეხება გუშინ განვითარებულ მოვლენებს, მგონია, რომ აქცენტი უნდა გავაკეთოთ იმაზე, სად უნდა მოხდეს რეალურად სამართლიანობის დადგენა და იმის გარკვევა, ვინ არის დამნაშავე. თუ ეს უნდა მოხდეს პარლამენტში, მაშინ ეს არასწორი ხედვაა, რადგანაც ჩვენ ვერ გამოვიტანთ განაჩენს...
უბრალოდ ვერ ვხვდები ასეთი ალტერნატივა რატომ ისმება, ხომ შეიძლება ნაძვის ხეც იყოს და ადამიანმაც უზრუნველყოს გამოხატვის უფლება. კი ბატონო, ჩვენ შეგვიძლია არ დავდგათ ნაძვის ხეები, გადავკეტოთ გზები და ამით ხაზი გავუსვათ იმას, რომ ჩვენთვის ადამიანია უპირველეს ყოვლისა, ამაში ცუდი არ იქნება, მაგრამ არ მგონია ასეთი ალტერნატივების წინაშე ვიდგეთ
