კობახიძე: შეკრების თავისუფლება ჩვენი ძლიერი მხარეა

პარლამენტის თავმჯდომარე ირაკლი კობახიძე ბიუროს დღევანდელ სხდომაზე სარალიძის მხარდამჭერ აქციაზე კარვების გაშლას გამოეხმაურა. აღსანიშნავია, რომ რამდენიმე კვირის მანძილზე, ზაზა სარალიძეს და მალხაზ მაჩალიკაშვილის კარვის ან საწვიმრის გაშლის უფლებას არ აძლევდნენ. პოლიციასთან ერთერთი დაპირისპირების დროს, სარალიძეს პოლიციელზე თავდასხმისთვის ბრალიც წარუდგინეს. 10 ნოემბერს აქცია "კარვებით ვიცავთ თავისუფლებას" გაიმართა, რაც ფიზიკურ დაპირისპირებაში გადაიზარდა. ზაზა სარალიძე და მისი დედა შეუძლოდ გახდნენ - ისინი საავადმყოფოში გადაიყვანეს. პოლიციის წინააღმდეგობის მიუხედავად, არასამთავროებმა და მოქალაქეებმა რუსთაველის გამზირზე 20-მდე კარავი მაინც გაშალეს.