სააკაშვილი: მაღალი აქტივობა ნიშნავს, რომ ხალხი არ ეპუება ზეწოლას და მოსყიდვას

არჩევნების მეორე ტურის აქტივობასთან დაკავშირებით ყოფილი პრეზიდენტი მიხეილ სააკაშვილი კიდევ ერთ ვიდეომიმართვას ავრცელებს. ცნობისთვის, 17:00-ის მდგომარეობით, ამომრჩეველთა აქტივობა 47.3%-ია - ამ დროისთვის ხმა 1 662 453 ამომრჩეველმა მისცა. საპრეზიდენტო არჩევნების I ტურში ამავე დროს აქტივობა 38.16% იყო - 1 337 284 ამომრჩეველი. ეს ნიშნავს, რომ წინა ტურთან შედარებით, 17:00-ზე საკუთარი არჩევანი 325 169-ით მეტმა მოქალაქემ გააკეთა.