სამადაშვილი: ინაუგურაციისას აქციამ არ უნდა შექმნას 'ალტერნატიულ რეალობაში' არსებობის აღქმა

დემოკრატიის დასაცავად ჩვენს ქვეყანაში საჭიროა ფართო გაერთიანება. პარტიების, არასამთავრობო ორგანიზაციების, საზოგადოებრივი ჯგუფების და საერთაშორისო თანამეგობრობის ერთიანი ზეწოლა ივანიშვილზე. ნებისმიერი აქციის მოთხოვნები, შესაბამისად, უნდა იყოს: 1. გამაერთიანებელი; 2. შედეგზე ორიენტირებული; 3. არ უნდა აფრთხობდეს ჩვენს დასავლელ მეგობრებს; 4. არ უნდა შეყავდეს სიტუაცია ჩიხში.

სალომე ზურაბიშვილის არალეგიტიმურობის გზავნილი და გრიგოლ ვაშაძის გამოცხადება საქართველოს პრეზიდენტად, არ აკმაყოფილებს ამ კრიტერიუმებს. მსგავსი გზავნილები იყო კვირას გამართულ აქციაზე. მიმაჩნია, რომ საპარლამენტო არჩევნების სისტემის შეცვლა პროპორციულ წესზე გადასვლასთან დაკავშირებით, ამის შემდგომ ვადამდელი საპარლამენტო არჩევნები, არის სწორი მოთხოვნა. ისიც, რაც საბოლოოდ ივანიშვილის და ერთპარტიული მმართველობის დამარცხებას სჭირდება ჩვენს ქვეყანაში. შესაბამისად, ინაგურაციის დღეს დაგეგმილი აქციის გზავნილები მნიშვნელოვანი იქნება ამ ფართო ოპოზიციური ერთიანობის უზრუნველსაყოფად. ინაგურაციის პარალელურმა აქციამ არ უნდა შექმნას 'ალტერნატიულ რეალობაში' არსებობის აღქმა. ეს გახლავთ ჩემი პოზიცია, მათთვის, ვინც დამატებით განმარტება მთხოვა.

წერს ერთიანი ნაციონალური მოძრაობის დეპუტატი სალომე სამადაშვილი Facebook-ზე. 7 დეკემბერს სამადაშვილმა დაწერა, რომ ის არ მივა "გაერთიანებული ოპოზიციის" მიერ დაგეგმილ აქციებზე, თუ იქ ოპოზიციის პრეზიდენტობის კანდიდატ გრიგოლ ვაშაძეს "ისე მიესალმებიან, როგორც პრეზიდენტს".
მოკლე ბმული:

ახალი ვიდეო მეტი ვიდეო

ირაკლი ტაბლიაშვილი

კომენტარები