კობახიძე: მთავრობის ანგარიშში საინტერესოდ იყო ხაზგასმული მიზნები და ამოცანები

დღეს ჩვენ პრემიერმინისტრისგან მოვისმინეთ ყოვლისმომცველი და ძალიან საინტერესო ანგარიში იმის თაობაზე, თუ რა გაკეთდა ამ წლის განმავლობაში საქართველოში მთავრობის მიერ. ეს ანგარიში არის ნამდვილად შთამბეჭდავი და ამავდროულად იყო ძალიან საინტერესოდ ხაზგასმული ის მიზნები, ამოცანები, ორიენტირები, რომელიც უნდა ჰქონდეს ჩვენს ქვეყანას როგორც გრძელვადიან პერსპექტივაში და აქ ძალიან საინტერესოდ იყო გამოკვეთილი ორი ძირითადი ამოცანა, რომელიც დგას ჩვენი ქვეყნის წინაშე. ასევე საუბარი იყო მოკლევადიან პერსპექტივაზე. ამაზე ძალიან აქტიურად ვმუშაობთ ჩვენც, რა თქმა უნდა მთავრობასთან ერთად. ამის ნაწილია საკანონმდებლო ინიციატივები, რომლებიც განიხილება საქართველოს პარლამენტის მიერ მომდევნო წლის განმავლობაში და ჩვენ მთავრობასთან ერთად ვუზრუნველყოფთ ჩვენი ქვეყნის შემდგომ წინსვლას და განვითარებას