ქართული ოცნება

კალაძე: გუნდში ეს ურთიერთობები მიუღებელია, ყველაფერი უნდა გავაკეთოთ, რომ დაწყნარდნენ

აუცილებლად ვიმსჯელებთ ყველა საკითხზე, ყველა პობლემურ თემაზე, რომელიც გუნდში არსებობს. რა თქმა უნდა, სამწუხაროა ის ყველაფერი, რაც ხდება. გუნდის შიგნით ეს ურთიერთობები პირადად ჩემთვის კატეგორიულად მიუღებელია. ყველაფერი უნდა გავაკეთოთ იმისთვის, რომ დამშვიდნენ, დაწყნარდნენ, სიტუაცია დასტაბილურდეს. ერთმანეთის მიმართ ეს დამოკიდებულება, რა თქმა უნდა, პირველ რიგში, აზიანებს გუნდს, რაც ძალიან ცუდია

ქართული ოცნების გენერალური მდივანი, თბილისის მერი კახა კალაძე გუნდში არსებულ დაპირისპირებაზე. ცნობისთვის, რამდენიმე კვირის წინ, ეკა ბესელია იურიდიული კომიტეტის თავმჯდომარის პოსტიდან გადადგა და ამის მიზეზად უზენაესი სასამართლოს მოსამართლეთა სია დაასახელა. ის დეპუტატების ნაწილმა, მათ შორის, პარლამენტის თავმჯდომარემ არაგუნდურობაში დაადანაშაულა. ირაკლი კობახიძეს რამდენიმე დღის წინ დაეთანხმა ბიძინა ივანიშვილი, რომელმაც გავრცელებულ განცხადებაში აღნიშნა, რომ ეკა ბესელია თავისი გადაწყვეტილებით გუნდურობისა და გუნდის წინააღმდეგ წავიდა. ეკა ბესელიას და მის თანამოაზრეებს დეპუტატთა ნაწილი "ამბოხებულებს" უწოდებს.

კომენტარები