მაინტერესებს, რატომ არ მოქმედებს პროკურატურა და არ მუშაობს სათანადო საერთაშორისო ორგანიზაციებთან, რომ მოხდეს მიხეილ სააკაშვილის დაკავება. მას რამდენი ბრალი აქვს წაყენებული საქართველოში, დროა, იმოქმედონ ჩვენმა ძალოვანმა უწყებებმა, ჩამოაბრძანონ საქართველოში და დააპატიმრონ. ის რეიტინგი, რასაც "ნაციონალურ მოძრაობას" უწერს NDI და რაც აბსოლუტურად ერთი დიდი საპნის ბუშტი და ტყუილია, კიდევ ერთხელ გამოჩნდა გუშინდელ დარბაზში. "ნაცმოძრაობასა" და სააკაშვილს ქართველი ხალხი არ უჭერს მხარს. ტყუილია ყველა რეიტინგი, რაც მათთან დაკავშირებით ვრცელდება, ვერ კრებენ ხალხს ვერც თბილისში და ვერც ლიეჟში. ასი ათასობით ემიგრანტს რომ ელოდებოდნენ, დამნიშნონ ერთი კვირა მთავარ პროკურორად და ქართველ ხალხს პირობას ვაძლევ, ერთ კვირაში სააკაშვილს ავიყვან და დავაკავებ. ყველა ძებნილს დავაკავებ და ჩამოვიყვან საქართველოში. ჩემი შეთავაზებაა "ქართული ოცნებისადმი". სააკაშვილი არის დიდი ავანტიურისტი და კომიკური პერსონა. დაბრუნდეს და წესით უნდა დააკავონ შესაბამისმა უწყებებმა. ძალიან მარტივია ეს სქემა. პროკურატურამ უნდა იმოქმედოს
შეხვედრა ლიეჟში
ინაშვილი: პროკურორად დამნიშნონ ერთი კვირა, სააკაშვილს ავიყვან და ყველა ძებნილს ჩამოვიყვან
tbl.ge/3h2t
დაკოპირდა
პატრიოტთა ალიანსის ლიდერი ირმა ინაშვილი ბელგიის ქალაქ ლიეჟში მიხეილ სააკაშვილის ორგანიზებულ "თანამემამულეთა მსოფლიო კრების" შესახებ, სადაც ენმ-ის მოწინააღმდეგეებიც მივიდნენ და მცირე სიტყვიერი და ფიზიკური დაპირისპირება მოხდა
ამავე თემაზე
- სააკაშვილი: ლიეჟში გამოჩნდა, რომ ერთ მხარესაა ჭკვიანი ხალხი, ხოლო მეორე მხარეს კატასტროფა
- წულუკიანი: სააკაშვილმა, როგორც აკეთებდა საქართველოში, ლიეჟშიც ჩაახშო განსხვავებული აზრი
- თალაკვაძე: ვიფიქროთ უფრო მნიშვნელოვან საკითხებზე, ვიდრე ლიეჟში სააკაშვილის შეხვედრა
- ხუხაშვილი: "ოცნების" ელიტაში დღესაც არიან ადამიანები, რომლებსაც მიშას ჩრდილის ეშინიათ
- სამადაშვილი: გაუგებარია ისტერიკა, რომლითაც ხელისუფლება ლიეჟში გამართულ შეხვედრას შეხვდა