მინდიაშვილი: ასავალ-დასავალი, კორკოტა და ეგეთები მუდმივად ღარიბაშვილს მისტიროდნენ

რა გამოარჩევს ღარიბაშვილის შს მინისტრობასა და პრემიერობას, როგორც ის ბრძენი კაცი იტყოდა, როგორია მისი ხელწერა? პოლიტიკური სიძულვილის მიზნამართული მობილიზაცია: ოპონენტების დევნა ყველაზე ბინძური მეთოდების გამოყენებით, წამებისა და პირადი ცხოვრების შესახებ ფარული ჩანაწერების საჯარო ჩვენებები, მათ შორის სკოლის მოსწავლეებისთვის ამ "პრასმოტრების" ორგანიზება; ყველა პრორუსულ, შავრაზმულ, მოფაშისტო ჯგუფთან მჭიდრო თანამშრომლობა, მათი აქტიური გამოყენება პოლიტიკური ოპონენტების წინააღმდეგ, - საკმარისია გავიაზროთ, რას შეიძლება ნიშნავდეს, რომ ასავალ-დასავალი, რეზო ამაშუკელი, კორკოტა და ეგეთები მუდმივად ღარიბაშვილს მისტიროდნენ და მის დაბრუნებას ითხოვდნენ. არასამთავრობო ორგანიზაციების მუდმივი დემონიზაცია, გარდა ამისა, მუსლიმთა გაუთავებელი დარბევები: ნიგვზიანი, წინწყარო, სამთაწყარო, ჭელა, მოხე, ქობულეთი - ყველაფერი ეს მისი მინისტრობის ან პრემიერობისას ხდებოდა. ამ ფონზე თამაზაშვილები, თალიბანის პიროვნება და ეგეთები, უწყინარი გართობებია. ხო, კიდევ ევროკავშირთან ასოცირების პარაფირების ტორტს ამშვენებს მისი ავტოგრაფი