უმრავლესობა ხაფანგში მოქცეული სირაქლემასავითაა ხაზარაძის საქმესთან დაკავშირებით, ხვდებიან, რომ ტყლაპოში სხედან და არსენალში მხოლოდ და მხოლოდ ამ ტყლაპოს გუნდების სროლა აქვთ, მაგრამ ამავე დროს ჩვენ ვხედავთ უმრავლესობის შიგნით განხეთქილებასაც, რადგან მართლაც ორკესტრირებულია ეს შეტევა, ხელოვნური მუხლია წაყენებული ხანდაზმულობა რომ გადაფარულიყო. პროკურატურიდან ვხედავთ, რომ ჯერ გაჟონვა მოხდა ხელისუფლებასთან დაახლოებული მედიასაშუალებით ამ საქმეზე იქ 31 დეკემბერს დაკითხეს, გეგონება ვინმე სადმე გარბოდა, ამას დაემატა ტროლების ფაბრიკა.
ასევე ჩვენ ვხედავთ სრულიად უსუსურ და დაუბალანსებელ, წარმოუდგენლად სუსტ პოზიციას ეროვნული ბანკისგან, როგორც რეგულატორისგან, ვხედავთ პრობლემებს, რომლებიც ხელოვნურადაა შექმნილი ანაკლიის პორტის მშენებლობის მიმართულებით და ეს ყველაფერი ნიშნავს, რომ არსებობს დირიჟორი, რომელიც დირიჟირებას უკეთებს ამ ყველაფერს და უმრავლესობაც ვეღარ მალავს და ცხადია რომ ეს დირიჟორი ბიძინა ივანიშვილია, რომელიც ხაზარაძეზე ნაწყენია.
