ადვოკატი: ეჭვების გასაფანტად გვჭირდება 2 მეფის ცხედრის ექსჰუმაცია, ამაზე ვერ წავალთ

პირველი არხის ცნობით, თქვა ანა ბაგრატიონ-გრუზინსკის ადვოკატმა ლევან გორიაშვილმა თბილისის საქალაქო სასამართლოში, სადაც ბაგრატიონთა ორი შტოს დავის განხილვა მიმდინარეობს. ანა ბაგრატიონ-გრუზინსკი ითხოვს, მის ყოფილ ქმარს დავით ბაგრატიონ-მუხრანელს "საქართველოს სამეფო სახლის" სახელის გამოყენება აეკრძალოს. მოსარჩელე მხარე მიიჩნევს, რომ ბაგრატიონ-მუხრანსკი თაღლითია და სამეფო ორდენებს ყიდის. დავით ბაგრატიონ-მუხრანსკის ადვოკატის თქმით კი, "სანდო წყაროსგან" აქვთ ინფორმაცია, რომ საპატრიარქოში ჩატარდა დნმ-ანალიზი, რითაც დადასტურდა, რომ "ნუგზარ ბაგრატიონი [ანა ბაგრატიონის მამა] ბაგრატიონი არ არის, ის არის სიხარულიძე".