გრიგოლ ვაშაძე: დავამსხვრიეთ მითი, რომ ოპოზიცია სექტაა, რომელიც რაღაც ხმებს ვერ გაცდება

2013 წლიდან ბევრი მითი დავამსხვრიეთ. ყოველი საარჩევნო კამპანია იყო უფრო წარმატებული, ვიდრე წინა. დავამსხვრიეთ მითი, რომ ნაციონალურ მოძრაობას არ შეიძლება ჰყავდეს მოკავშირეები. ამაყი ვარ, რომ გვყავს ასეთი მოკავშირეები, ასეთი პარტიები, ვისი ლიდერებიც ამ დარბაზში იმყოფებიან. ამაყი ვარ, რომ ერთერთი მთავარი მოკავშირის ყრილობაზე ვიმყოფები როგორც სტუმარი. დავამსხვრიეთ მითი, რომ ოპოზიცია სექტაა, რომელიც რაღაც ხმებს ვერ გაცდება, იმიტომ, რომ მაპატიეთ უნდა გავიმეორო, ერთკაციანი ვითომ პარტიები არიან მიკედლებული ნაციონალურ მოძრაობასო, თუმცა ყველას ვაჩვენეთ, როგორი არის გაერთიანებული ოპოზიცია და რა მძლავრი ძალა ვართ. თითქმის შიშველი ხელებით 900 ათასამდე ხმა წავგლიჯეთ ამ ე.წ. ხელისუფლებას და ნახეთ რას ვუზამთ მაგათ საპარლამენტო არჩევნების დროს, როდესაც არ უნდა იყოს ეს არჩევნები