ბესელია: სამწუხაროა, რომ იურიდიული კომიტეტი ასე დემონსტრაციულად არღვევს პირობას

მე პირადად ჩემი პროტესტი დღეს ამ ფორმით გამოვხატე, რომ ამ სხდომაში არ მივიღე მონაწილეობა. რა თქმა უნდა, გავაგრძელებ ამ საკითხებზე ძალიან მწვავე დისკუსიას, როდესაც ეს საკითხი პლენარულ სხდომაზე გამოვა. სამწუხაროა, რომ იურიდიული კომიტეტი ასე დემონსტრაციულად არღვევს პროცედურებს, ასე დემონსტრაციულად არღვევს პირობას, რომ ვენეციის კომისიის დასკვნამდე ამ კანონპროექტს არ განიხილავდნენ. ეს ნიშნავს, რომ ხდება ყველაფრის ფასად ხდება კობახიძის კანონპროექტის გატანა, რომელიც მისი აპარატის დაწერილი არ არის რეალურად, ეს არის სწორედ იმ ჯგუფის დაწერილი, ვინც 10-კაციანი სია შეადგინა და მათ ლობირებდა. სამწუხაროა, რომ უმრავლესობას არ ესმის საზოგადოების ის ძალიან დიდი პროტესტი, რომელიც ასეთი უპასუხისმგებლობის გამო ხდება