ამ ტოქსიკურმა პარტიამ წააგო მორიგი არჩევნები, როგორც ეს არაერთხელ წააგო და ახლა, წარმოიდგინეთ, რა დონის პოლიტიკურ უტიფრობასთან გვაქვს საქმე, რომ იმასაც არ კადრულობენ, თავის მხარდამჭერებს, საზოგადოებას აუხსნან, სინამდვილეში რატომ წააგეს ეს არჩევნები.
ვინმეს აქ მყოფს თუ გახსოვთ, რას პირდებოდნენ ეს ბატონები და ქალბატონები შუალედურ არჩევნებში საზოგადოებას? რა იყო მათი მთავარი დაპირება, რამე გინახავთ კონკრეტული პრობლემაზე ორიენტირებული დაპირება? იმიტომ, რომ ამ ხალხს დაპირებები არ ჰქონდათ, მათ ჰქონდათ ერთადერთი ლოზუნგი და ამ ლოზუნგებზე საზოგადოებამ გასცა პასუხი. თქვენს ლოზუნგებზე მიიღეთ პასუხი ამ შუალედურ არჩევნებში. შუალედურმა არჩევნებმა კიდევ ერთხელ გვაჩვენა, რომ ქართულ ოცნებას აქვს მაღალი ლეგიტიმაცია და მხარდაჭერა, კიდევ ერთხელ აჩვენა, რომ რეფორმები, დაწყებული საკონსტიტუტიცო რეფორმიდან, დასრულებული სხვა რეფორმებით, იყო ეს ჯანდაცვა, სოციალური მიმართულება, ინფრასტრუქტურა, დაგვანახა, რომ საზოგადოება ზუსტად და სამართლიანად აფასებს იმ მიღწევებს და გამოწვევებს, რომლებიც გვაქვს და ამ გამოწვევების მოსაგვარებლად, ისევ ქართულ ოცნებას აძლევს ხმას, იმიტომ, რომ ამ ხალხის მოგვარებული ან ამ ხალხის დადებული კონკრეტული დაპირება, ჩვენ შუალედურ არჩევნებზე, ვერ ვნახეთ გარდა იმისა, რომ ზუგდიდის არჩევნებში გვემუქრებოდნენ, ზევიდან გაკვირდებითო, ალბათ სატელიტს გულისხმობდნენ და თუ იმ ზევიდან ვერ დაინახეთ რატომ წააგეთ, ძალიან ცუდია
