გაკვეთილები აქამდე ოროსან, წუხელ დამნაშავედ ქცეულ ხელისუფლებას:
1. როდესაც იწყებთ ძალის გამოყენების პროპორციულობის ზომვას დაშავებული, თვალებდათხრილი ადამიანების კადრების ფონზე აუცილებლად მარცხდებით და ხარ ფსკერი;
2. როდესაც იწყებ იმაზე დავას, უი, 7 ნოემბერს როგორ ადარებო, აუცილებლად მარცხდები და უფრო ფსკერზე ეშვები;
3. როდესაც მხოლოდ ის გაქვს სათქმელი, რომ უი, რა სასაცილო იყო გუშინ უგულავა რეზინის ტყვიებზე შეშფოთდაო, კიდევ უფრო დიდი ფსკერი ხარ, მასთან დასატოლებლად არ მომხდარა 2012, მასზე უკეთესს ითხოვდა ხალხი;
4. 24 საათზე მეტი გავიდა შენი დახმარებით და ხელშეწყობით გავრილოვის მიერ საქართველოს თავზე გადავლიდან და ის ტიპი ვიზიტსაც რომ არ წყვეტს და ისევ შენი ქვეყნის მეორე პირია, უფსკრულში ხარ გადაჩეხილი;
5. ამ ქვეყნის ნებისმიერი მოქალაქისთვის, ვისაც აზრი შერჩენილი აქვს, გუშინ 7 ნოემბერი და 26 მაისი ერთად იყო და უფრო მეტიც, როდიონოვის ღამის დარად ამ ღამეს გავრილოვის ღამე დაერქმევა რაც უფრო მეტად დაგიმძიმებთ სასჯელს;
6. და ბოლოს, ამ წუთის მდგომარეობით მიშას თქვენზე მორალური უპირატესობა აქვს, იმიტომ რომ ყველაფერს შინაარსი გამოაცალეთ და სიმბოლოების დონეზე დატოვეთ, ხოდა, 8 ნოემბერს ამ დროისთვის ის უკვე გადამდგარი იყო და პასუხისმგებლობა აღებული ჰქონდა.
7. გაფრთხილებდით, ეგ კაცი გადაგჩეხავთ-თქო და არ დაიჯერეთ. ჩვეულებრივი რუსი სალდაფონია, ხოდა გამოაცხადა რუსული სიდიადით დევნა და ძალადობა საკუთარ ხალხზე ამოცანად და დაგისვათ წერტილი.
8. ახლა თავზე რომ დაგახურებთ დედამიწა, მორიგი რუსული სცენარი მოიმარჯვეთ და აგინეთ ყველას, ჩვენს საქმეებში ნუ ერევითო, ეძახეთ;
9. იმასავით რიგგარეშე არჩევნები რომც იყოს, შეიძლება მოიპარო, იყიდო, ესეც გვინახავს, მაგრამ პასუხისმგებლობას რომ ვერ გაექცევი, ეს მგონი უკვე უნდა გესწავლა, თუმცა რა ვიცი;
10. ერთი კია, ვინ უნდა გადადგეს დღეს რომ ფასი ჰქონდეს, ის ისედაც გადამდგარია;
