ზალკალიანი: ვინ აგებდა პასუხს რუსეთში მცხოვრებ ასობით ათას ქართველს რამე რომ მოსვლოდა?

ძალიან ახლოს ვიყავით იმ გადაწყვეტილებასთან, რომ საერთოდ როგორც ფრენები აიკრძალა, ისე შემოღებული ყოფილიყო ემბარგო და ა.შ. რა მოგვიტანა ამან 2006 წელს კარგად ვნახეთ. გვინდოდა, რომ როგორც მაშინ ქართველები ისევ გამოეყარათ? ეს იყო უპასუხისმგებლო გადაწყვეტილება. ხელისუფლებამ უნდა იზრუნოს საკუთარ მოქალაქეებზე. ვინ აგებდა მერე პასუხს, რომ იქ ასობით ათას ქართველს, რომლებიც რუსეთში ცხოვრობენ, რამე მოსვლოდა. ვინ აგებდა?

საგარეო საქმეთა მინისტრი დავით ზალკალიანი რუსეთის პრეზიდენტის, ვლადიმერ პუტინის, გადაწყვეტილებას გამოეხმაურა, რომელმაც თქვა, რომ "საქართველოსთვის ეკონომიკური სანქციების დაწესება საჭირო არ ჰგონია". თავდაპირველად მინისტრმა აღნიშნა, რომ ის მიესალმება პუტინის გადაწყვეტილებას, რის გამოც ის ოპოზიციამ გააკრიტიკა. რუსეთის სახელმწიფო დუმა საქართველოს წინააღმდეგ სანქციებზე მას შემდეგ ალაპარაკდა, რაც რუსთავი 2-ის წამყვანმა, გიორგი გაბუნიამ, თავის საავტორო გადაცემაში მას პირდაპირ ეთერში რუსულად აგინა.
მოკლე ბმული:

ახალი ვიდეო მეტი ვიდეო

ლაშა ბუღაძე

კომენტარები