ეს იყო განადგურებული, დეგრადიული პოლიტიკური ფიგურის უტიფარი და საზოგადოების შეურაცხმყოფელი ტყუილები. პრაქტიკულად, ყველაფერი მოიტყუა გახარიამ:
პირველი - ოპოზიცია არ გვაფრთხილებდა გავრილოვზეო - „ევროპული საქართველო“, გიორგი კანდელაკი, მერე მეც, დღეებით კი არა კვირებით ადრე ვაფრთხილებდით, რომ მისი შემოშვება იყო ჩვენი ქვეყნის ეროვნული ინტერესების საწინააღმდეგო - პირველი ტყუილი.
მეორე - სამართლებრივი საფუძველი არ არსებობდა არ შემოშვებისო - არანაირი ფორმალური საფუძველი არ სჭირდება, თუმცა საფუძველიც იყო, აფხაზეთის ომის მონაწილეა და არასასურველი ფიგურაა და არ უნდა შემოეშვათ.
სამი - დაგეგმილი იყო ეს ყველაფერიო. კობახიძე, რომ გადამდგარიყო პირველ დღეს აქცია მთავრდებოდა საერთოდ. ამის მაგივრად თქვეს, რომ არც განვიხილავთ ამასო.
ოთხი - თუ უნდოდათ, რომ ნაკლები რისკი ყოფილიყო, პოლიცია, სპეცრაზმი რატომ გამოიყვანეს ჯებირს გარეთ. თუ ვინმე შეჭრას ცდილობდა პარლამენტში, თუ ვინმე შეიჭრებოდა, დაეკავებინათ რა პრობლემაა.
ხუთი - გავაფრთხილეთო, ეს რა უტიფრობაა, სად გააფრთხილეს, დინამიკი ვერ მოიტანეს რომ ხალხს გაეგო ამის შესახებ.
ექვსი - თურმე ათეული, თუნდაც ასი კაცი იქცეოდნენ ძალადობრივად და მეც ვნახე, რომ იქცეოდნენ, დანაშაულს ჩადიოდნენ. რა შუაშია დანარჩენი 10 ათასი?