სებ-მა დოლარი არ გაყიდა.
ამ განცხადების პირველი წინადადება პასუხია პარლამენტარების, პრემიერ მინისტრის და თბილისის მერის მოწოდებებზე.
წინა კვირაში გაყიდული 33 მლნ დოლარი უფრო სებ-ის "ფრეზენსის" ჩვენება იყო, რასაც პანიკა უნდა ჩაეცხრო, ნაწილობრივ მაინც მიიღწა. მაგრამ, მთავრობამ და სატელიტებმა ტურიზმის დადებითი სტატისტიკაც კი უარყოფითად თარგმნეს, ჯამში პროცესი დააზარალეს.
სებ-მა თუ ყოველდღიურად ლარის კურსის სიმყარეზე იფიქრა, შემოდგომიდან 3.0-იც სანატრელი გახდება.
მცდარია ამ პროცესში მხოლოდ სებ-ის ინსტრუმენტების იმედად ყოფნა. საბოლოოდ, ლარის კურსზე მთავრობის პოლიტიკას და საგარეო ფაქტორებს უფრო აქვს გავლენა, ვიდრე სებ-ის ინსტრუმენტებს.
რეზერვების გაყიდვით მაქსიმუმ სექტემბრამდე ვიქნებით ბედნიერი და საბოლოოდ, ხელოვნურად შენარჩუნებული კურსი მისი მყისიერად და უფრო დიდი მასშტაბით გაუფასურების გარანტი იქნება.
