რატომ ხდება, რომ ყველა ის ადამიანი, ვისაც ბიძინა ივანიშვილი სადმე ნიშნავს, არის მისგან ნაყიდი, თქვენ ხომ ყველანი დაქირავებული პირი იყავით ბატონი ბიძინას მიერ. რატომ არის, რომ საქართველოს მთავრობის აბსოლუტური უმრავლესობა, ასევე, თუნდაც იგივე ჩვენი გენერალური პროკურორი, რომელიც პირადი ადვოკატი იყო (ბიძინა ივანიშვილის), იყო დამქირავებელ-დაქირავებულისურთიერთობაში და ის გიხდიდათ საკუთარი ჯიბიდან ფულს. ჩამოგითვლით: ქართუ, ქართუ, ქართუ, ელიტა ბურჯი, იგივე ჰოლდინგი ქართუ, საჩხერე, იმის წინამორბედი საჩხერე, ქართუ (გოცირიძე მინისტრთა კაბინეტს მიმართავს).
როდესაც ქართუს მაღალი წოდების ჩინოვნიკები ამოიწურა, შემდეგ გადავიდნენ მეორე ეშელონში, მესამე ეშელონში და ხვალ შეიძლება ქართუს დარაჯი მოგვევლინოს რომელიმე მინისტრად. რატომ ხდება, რომ ივანიშვილი საქართველოს ხელისუფლებას მართავს იმ ადამიანებით, რომლებიც დავალებულებიარიან მის წინაშე.
