ხაზარაძე: საქართველოში ბიზნესის კეთება ურთულესი რამ არის

მე ჩემს მეგობრებთან ერთად, ბადრისთან [ჯაფარიძესთან] ერთად, თქვენთან ერთად ერთად შევქმენი 10 ათასი სამუშაო ადგილი. ბოლო წლების განმავლობაში ქვეყანაში მილიარდობით პირდაპირი ინვესტიცია შემოვიტანეთ. ვიხდით ასეულ მილიონობით ლარის გადასახადებს ბიუჯეტში. ჩვენ ეს შევქმენით იმ რთულ სიტუაციაში, რასაც ქვეყნის საინვესტიციო კლიმატი ჰქვია, არამარტო დღეს და გუშინ, საერთოდ. საქართველოში ბიზნესის კეთება ურთულესი რამ არის. ჩვენ ეს შევძელით იმ ათი ათასკაციან გუნდთან ერთად, თქვენ ეს შეძელით თქვენს წარმატებულ კომპანიებში, სხვადასხვა სფეროში. აქ არიან ადამიანები, რომლებიც აბსოლუტურად სხვადასხვა სფეროს წარმოადგენენ, მაგრამ დღეს ჩვენ აქ იმიტომ მოვედით, რომ რაღაცა სხვა გვაერთიანებს, ჩვენ მივხვდით რომ ცალცალკე ვერ წავალთ წინ.

მამუკა ხაზარაძე საზოგადოებრივი მოძრაობის პრეზენტაციაზე საუბრისას. TBC ბანკის დამფუძნებელმა, მამუკა ხაზარაძემ საზოგადოებრივი მოძრაობა წარადგინა. პრეზენტაცია ანაკლიაში, ზღვის ნაპირას გაიმართა. მოძრაობას "ლელო" ერქმევა.
მოკლე ბმული:

ახალი ვიდეო მეტი ვიდეო

შსს: დავაკავეთ კაცი, რომელმაც უკრაინის მოქალაქეს ფიზიკური შეურაცხყოფა მიაყენა (ვიდეო)

კომენტარები