სამწუხაროდ, ისეთი განცხადება გააკეთა პრეზიდენტმა, რომელიც იძლევა ინტერპრეტაციის საშუალებას, რაც ძალიან ცუდია. თუმცა, რაც შეეხება გადადგომას, ეს ჩვენი რეკომენდაცია ვერ იქნება, არასწორია პრეზიდენტის მიმართ ასეთი რეკომენდაციით მიმართვა.
ქართულ ოცნებაზე აქ ვერ გვექნება საუბარი, საქართველოს პრეზიდენტი არ არის ქართული ოცნების შემადგენელი ნაწილი, ჩვენი მხარდაჭერითაა არჩეული, თუმცა არაა ქართული ოცნებბის შემადგენელი ნაწილი, შესაბამისად, მას აქვს თავისი დამოუკიდებელი პოლიტიკური პასუხისმგებლობა.
რაც შეეხება განცხადებას, არ მოგვეწონა და ამასთან დაკავშირებით ვაკეთებთ შეფასებას, თუმცა, როდესაც საუბარია პოლიტიკურ ცოდვებზე, ყველამ თავისი პოლიტიკური ცოდვები გაიხსენოს. შესაბამისად, ერთი განცხადებიდან ნუ შევქმნით ქარიშხალს. ეს ჩვენც არ მოგვეწონა, მაგრამ დრამატიზებასაც ნუ გავუკეთებთ ამ ყველაფერს.
