ხელისუფლება შესულია ძალაუფლებით ტკბობაში და ყველა მეთოდით ცდილობს, რომ როგორმე შეინარჩუნოს თავი. მათი შემოთავაზება იყო 100/50-ზე, ანუ 100 პროპორციული, 50 მაჟორიტარული, რომელიც აბსოლუტურად არასერიოზულ შემოთავაზებად შემიძლია ჩავთვალო.
ეს არის არაადეკვატური პასუხი დღეს არსებულ ვითარებაზე. დიპლომატების თხოვნით, ეს ფორმატი არ დაიშლება, მაგრამ, მე პირადად, ვფიქრობ, რომ დავიწყოთ საერთო ეროვნული წინააღმდეგობის მოძრაობა, უკვე იანვრიდან, რომ ვაჩვენოთ ამ არაადეკვატურ ადამიანებს, რომ მათ უნდა დატოვონ ხელისუფლების მართვის სადავეები.
