"მივესალმები იმ ფაქტს, რომ პირველივე მოსმენაზე გავიდა საკონსტიტუციო ცვლილებები. ჩვენ ვრჩებით პოზიციაზე, მხოლოდ იმ შემთხვევაში დავუჭერთ მხარს, თუკი პოლიტიკური დევნა შეწყდება ქვეყანაში და ბოლო პოლიტიკური პატიმარი [გიორგი რურუა] იქნება განთავისუფლებული. ესაა ჩვენი მტკიცე პოზიცია და ესაა ხელისუფლებაზე ზეწოლის ერთერთი ფორმა.
რომ არა ეს ზეწოლა, დღეს გიგი უგულავაც ციხეში იქნებოდა, ირაკლი ოქრუაშვილიც და კვლავ გაგრძელდებოდა პოლიტიკური დევნა ბადრი ჯაფარიძის, მამუკა ხაზარაძის, ნიკა გვარამიას, ნიკა მელიას წინააღმდეგ. გადაწყვეტილებას ღებულობს ერთი ადამიანი, მართლა სალომე ზურაბიშვილმა კი არ შეიწყალა უგულავა და ოქრუაშვილი, მათი განთავისუფლების ბრძანება ივანიშვილმა გასცა".