პრეზიდენტი: მინსკში ვინ იყო, თქვენი საქმეა, ჟურნალისტები თქვენ ხართ, მე კი არა

ასე უპასუხა პრეზიდენტმა სალომე ზურაბიშვილმა მთავარი არხის კითხვას, სად იყო სამთავრობო თვითმფრინავი გუშინ ღამით. 16 აგვისტოს ბელარუსში მასშტაბური პროტესტების ფონზე ქართულმა სამთავრობო თვითმფრინავმა თბილისი-მინსკი-თბილისი რეისი შეასრულა. ზოგიერთი მედიის ცნობით, შესაძლოა, მინსკში სალომე ზურაბიშვილი ჩასულიყო. 17 აგვისტოს საგარეო საქმეთა სამინისტრომ გაავრცელა ინფორმაცია, რომ სპეციალური რეისით მინსკში საქართველოს ელჩი დაბრუნდა.