უგულავა: წულუკიანი გვამებზე ნუ ლაპარაკობს, ხვრეტის პარალელურად გაზრდილი ადამიანია

ზუგდიდში ევროპული საქართველოს მაჟორიტარი კანდიდატი გიგი უგულავა ქართული ოცნების სიის მეოთხე ნომრის, თეა წულუკიანის განცხადებას ეხმაურება, რომელმაც თქვა, რომ ვისაც საქართველოს ბანკზე თავდასხმის საქმეზე პოლიციის ქმედება სახელმწიფო სტრუქტურების ჩამოშლა ჰგონია, მისთვის ზუგდიდში, გვამებით მოფენილი ტროტუარი უფრო სასიხარულო იქნებოდა. "ალბათ, თქვენც გაგიხარდებოდათ გვამებით მოფენილი ზუგდიდური ტროტუარები, რაც არ მოხდა" - მიმართა წულუკიანმა ჟურნალისტს.