იმნაძე აქციებზე: ვინც იკრიბება და არ იცავს წესებს, ყველას მიუძღვის ბრალი

რუსთავი 2-მა პაატა იმნაძეს ვიცეპრემიერ მაია ცქიტიშვილის განცხადების შეფასება სთხოვა. ცქიტიშვილმა თქვა, რომ ინფიცირების შემთხვევების ზრდა ოპოზიციის უპასუხისმგებლო აქციებს უკავშირდება. აღსანიშნავია, რომ არჩევნების შემდეგ გამართულ აქციებზე ორგანიზატორები მონაწილეებს მოუწოდებდნენ, პირბადეები გაეკეთებინათ. ასევე, ყველა გამომსვლელის შემდეგ მიკროფონს დეზინფექციას უტარებდნენ. გარდა ამისა, ეპიდემიოლოგები ჯერ კიდევ არჩევნებამდე პერიოდში პროგნოზირებდნენ, რომ ნოემბრის შუა რიცხვებში ყოველდღიურად 3-4 000 შემთხვევა იქნებოდა.