ჩვენ რეკომენდაციით შემოვდივართ, მიმდინარე წლის განმავლობაში მინიმუმამდე დავიყვანოთ ადმინისტრაციული შენობების რემონტის ხარჯები, არ შევიძინოთ რბილი ავეჯი, მაქსიმალურად შევზღუდოთ ახალი ავტომობილების შეძენა, გარდა სპეციალური დანიშნულების სატრანსპორტო დანიშნულებისა. დაახლოებით 30%-ით შევამციროთ საწვავის ხარჯი, ეს არ შეეხება ოპერატიულ მანქანებს, რა თქმა უნდა. ამავე დროს, გთავაზობთ, რომ მინიმუმამდე იყოს დაყვანილი მივლინებები. 20%-ით შემცირდეს წარმომადგენლობითი ხარჯი და, ამავე დროს, სასწავლო შვებულებები გამოვიყენოთ მხოლოდ გადაუდებელი აუცილებლობის შემთხვევაში და სასურველია, თუ მომწვევი მხარე აანაზღაურებს თუნდაც 80%-ს. ანალოგიური გვინდა, ვთხოვოთ იმ საბიუჯეტო ორგანიზაციებს, რომლებიც არ არის მთავრობის კონტროლქვეშ. ეს არის პარლამენტი, სასამართლო, ასევე მუნიციპალიტეტებს - მათ შორის, დედაქალაქის მერიას და აჭარის მთავრობას, რომ ანალოგიური შეზღუდვები გამოიყენონ.
საქართველოს ბიუჯეტი
ხადური: რეკომენდაციით შემოვდივართ, წელს არ შევიძინოთ რბილი ავეჯი
