ვერბატიმი

  • ძალიან ხშირად ქართველები ასეთები ვართ - ყოფილი ლიბერალი ახალგაზრდები ხდებიან ყველაზე ჯიგარი, ეროვნული ხალხი და მე მჯერა თქვენი, რა.

    ლევან ვასაძე მიმართავს ახალგაზრდებს ძალადობრივი ჯგუფების მიერ გამართულ აქციაზე ვერის ბაღში.
    ვასაძე: ყოფილი ლიბერალი ახალგაზრდები ხდებიან ყველაზე ჯიგარი, ეროვნული ხალხი
  • მე ვარ უდიდესი აპოლოგეტი დასავლური ცივილიზაციისა, უბრალოდ არა იმ ოკულტისტური, სატანისტური, დემონიური, ანტიჰუმანური ვერსიისა, რომელიც ჩვენ გვსტუმრობს ბოლო 30 წელიწადია.

    ლევან ვასაძე ვერის ბაღში სიტყვით გამოსვლისას, სადაც ძალადობრივი ჯგუფები აპროტესტებენ ჩვენებას ფილმისა "და ჩვენ ვიცეკვეთ".
    ვასაძე: მე ვარ უდიდესი აპოლოგეტი დასავლური ცივილიზაციისა
  • უცნაურ რაღაცას ვიზამ ეხლა და პრესას მადლობას ვეტყვი, რაც გაუგონარი რამეა ჩემი მხრიდან, იმიტომ, რომ მე პრესა და ქართული ჟურნალისტიკა მიმაჩნია ერთ-ერთ მთავარ მტრად ქართველი ერისა, მაგრამ გუშინ რატომღაც, სასწაული მოხდა და პრესამ ჩემი შეგონება ისმინა - განმეორებითი შეკითხვები, რაც უკვე ვთქვი, იმაზე არ დამისვა და მე განცვიფრებული ვიყავი ამითი, იმიტომ, რომ პირველად მოვესწარი ასეთ რაღაცას.

    ლევან ვასაძე ვერის ბაღში სიტყვით გამოსვლისას, სადაც ძალადობრივი ჯგუფები აპროტესტებენ ჩვენებას ფილმისა "და ჩვენ ვიცეკვეთ".
    ვასაძე: პრესა მიმაჩნია ერთ-ერთ მთავარ მტრად ქართველი ერისა
  • მე პირადად არ მომწონს და თავიდან ბოლომდე ვემიჯნები ასეთ იდეას, ასეთი ფილმის გადაღების იდეას. არსებობენ როგორც ამ პოზიციის მხარდამჭერნი, ასევე მოწინააღმდეგენი და სახელმწიფოს ვალია რომ პოზიციათა დაპირისპირება არ გადასცდეს კანონით დადგენილ ნორმებს, რაზედაც სახელმწიფოს შესაბამისი რეაგირება უნდა ჰქონდეს.

     

    საპარლამენტო უმრავლესობის ლიდერი გია ვოლსკი ფილმზე "და ჩვენ ვიცეკვეთ".
    "არ მომწონს და ვემიჯნები ასეთი ფილმის გადაღების იდეას" - ვოლსკი ფილმზე "და ჩვენ ვიცეკვეთ"
  • ივანიშვილის ხელისუფლებაში მოსვლიდან, ვასაძე ყოველთვის მისი პარტნიორი იყო. ივანიშვილმა ვასაძის მსოფლმხედველობა ყოველთვის იცოდა და არასდროს არ იყო მისთვის ეს უცხო. მეტიც, ვასაძეს, ვასაძის კომპანიებს სხვადასხვა დროს 600 ათასამდე სახელმწიფო დახმარება აქვს მიღებული. ბიძინა ივანიშვილმა ვასაძე დემოგრაფიული განვითარების საზოგადოების თავმჯდომარედაც დანიშნა თავის დროზე. ივანიშვილს სჭირდება ასეთი არაპოპულარული მოლაპარაკებები, რათა ქართულ პოლიტიკაში რუსული ნარატივი ნელ-ნელა დამკვიდრდეს.

    ევროპული საქართველოს ლიდერი გიგი უგულავა ბიძინა ივანიშვილისა და ლევან ვასაძის შესაძლო შეხვედრაზე ტელეკომპანია მთავართან საუბრობს. ვასაძემ გუშინ თავად თქვა, რომ გასული წლის აპრილში ივანიშვილი მასთან თხოვნით მივიდა, თუმცა რაზე ისაუბრებს შეხვედრაზე არ აკონკრეტებს.
    უგულავა: ივანიშვილის ხელისუფლებაში მოსვლიდან, ვასაძე ყოველთვის მისი პარტნიორი იყო
  • გიფიქრიათ იმის შესახებ, ყველაზე ძვირფასი საუნჯე რა არის ქვეყანაზე? ზოგს მიაჩნია სიმდიდრე, ზოგს ფული, ძვირფასეულობა, მაგრამ სინამდვილეში ეს სიმდიდრე ადამიანს სამარის კარამდე აცილებს.

    ყველაზე ძვირფასი საუნჯე დედამიწაზე ადამიანია. დაიმახსოვრეთ. ილია ჭავჭავაძის გამოთქმა, შესანიშნავი სიტყვები – მამული, ენა, სარწმუნოება. მე ცოტა სხვანაირად გამოვთქვი, ღმერთი, სამშობლო და ადამიანი. ადამიანს უნდა გავუფრთხილდეთ, ის ყველაზე ძვირფასი საუნჯეა დედამიწაზე. ღმერთი გვაძლევს ჩვენ სიბრძნეს, სიმშვიდეს, ყოველივე სიკეთეს.

    დავით წინასწარმეტყველი ამბობს, წყალობა შენი უფალო. უნდა გაუფრთხილდეთ ადამიანს, ყოველი ადამიანი ერთი იბადება დედამიწაზე. ჩვენ უნდა ვეძებოთ ადამიანები, რომლებიც თავდადებული არიან სამშობლოსთვის. გვახასიათებს ერთი რამ – არ ვაფასებთ ადამიანს, არ გვესმის, როგორი დიდი საუნჯეა თითოეული თქვენგანი

    კათოლიკოს-პატრიარქმა ილია II-მ ამის შესახებ სამების ტაძარში საკვირაო ქადაგების დროს ისაუბრა. ქადაგების ტექსტს საზოგადოებრივი მაუწყებელი ავრცელებს.
    ილია II: ერთი რამ გვახასიათებს, არ გვესმის, როგორი დიდი საუნჯეა თითოეული ადამიანი
  • დღეს მინდა, კიდევ ერთხელ შეგახსენოთ, რომ ადამიანი ქმნის ისტორიას, ნიჭიერი ადამიანი. დიდი ბრიტანეთის პრემიერმინისტრი ამბობს, ისტორია თავისთავად კი არ მოდის, არამედ ადამიანი ქმნის ისტორიას, გავუფრთხილდეთ ადამიანს. ძალიან ზერელედ ვუყურებთ ადამიანის არსებობას. ქართველი არ აფასებს ნიჭიერ პიროვნებებს, უფრო სწორად, არ აფასებს კი არა, უარყოფს, თრგუნავს, ებრძვის ნიჭიერ ადამიანებს. უნდა გვახსოვდეს, რომ ის ნიჭიერი ადამიანები მოგვცა ჩვენ, რომ ხალხს დაეხმაროს უფალთან მისვლისთვის. გახსოვდეთ, ადამიანის გარეშე დედამიწა არაფერია, დედამიწა მკვდარია. ამიტომ, უნდა გაუფრთხილდეთ თქვენს შვილებს, მშობლებს. არაერთხელ მითქვამს თქვენთვის, რომ მშობლების პატივისცემა ეს არის დიდი ნიჭი. პატივი ეცი მამასა შენსა და დედასა შენსა, რათა კეთილი გეყოს შენ და დღეგრძელი იყო ქვეყანასა ზედა.

    ყოველ ადამიანს აქვს რაიმეს ნიჭი. ეს არის ღვთისაგან ბოძებული საჩუქარი. ჩვენი დამსახურება კი არ არის, უნდა დააფასოთ. ნიჭიერ ადამიანზე უნდა თქვათ, რომ ის ნიჭიერია, მხარში უნდა ამოუდგეთ. თქვენც გახარებული იქნებით და ისიც. არ არსებობს უნიჭო ადამიანი, ​საჭიროა მხოლოდ იმ ნიჭის გამონახვა. შეიძლება ნიჭიერი იყოს ტექნიკაში, მეცნიერებაში, სოფლის მეურნეობაში, მაგრამ უნიჭო ადამიანი არ არსებობს. მოძებნეთ თქვენი ნიჭი და ღმერთი დააგვირგვინებს მას დიდი წარმატებითა და დიდი შედეგებით. ნუ მიაყენებთ ერთმანეთს შეურაცხყოფას, ცილს ნუ დასწამებთ, გიყვარდეთ ერთმანეთი

    კათოლიკოს-პატრიარქმა ილია II-მ ამის შესახებ სამების ტაძარში საკვირაო ქადაგების დროს ისაუბრა. ქადაგების ტექსტს საზოგადოებრივი მაუწყებელი ავრცელებს.
    ილია II: ქართველი ნიჭიერ პიროვნებებს არ აფასებს, უარყოფს, თრგუნავს, ებრძვის
  • ამას ვუშვებ, რომ ასეთი შეხვედრა შედგა, თუმცა რაღაც ეს კონსპირაციაზე მინიშნება და რაღაც საიდუმლო საუბრების თემაზე მინიშნება ვფიქრობ, არც ღირსეული განცხადება არ არის და არც რაიმე ისეთს შეიცავს, რომელიც საზოგადოებისთვის შეიძლება სკანდალური იყოს. თუ აკეთებ განცხადებას მაშინ ისაუბრე ბოლომდე...

    ბიძინა ივანიშვილს საერთოდ არ ახასიათებს ისეთი განცხადებების ან საუბრების ჩატარება, რომელიც რაიმე სახით ელემენტარულად მაინც უპირისპირდება ჩვენი ქვეყნის ინტერესებს. თუ რამეზე შეთანხმდნენ, რატომ ფიქრობთ რომ მაინცდამაინც საქართველოს საწინააღმდეგო თემებზე შეთანხმდნენ?

    საპარლამენტო უმრავლესობის ლიდერი გია ვოლსკი ბიძინა ივანიშვილისა და ლევან ვასაძის შესაძლო შეხვედრაზე. ვასაძემ თავად თქვა, რომ გასული წლის აპრილში ივანიშვილი მასთან თხოვნით და წინდადებით მივიდა.
    ვოლსკი: თუ ივანიშვილი და ვასაძე შეთანხმდნენ, რატომ ფიქრობთ, რომ ქვეყნის საწინააღმდეგოდ?
  • ბიძინა ივანიშვილი 90-იანი წლებიდან ეხმარება თავის ქვეყანას და ხალხს. სხვები ჭრიდნენ ლენტებს, სხვები ესწრებოდნენ პრეზენტაციებს და მას არასდროს არ გამოუთქვამს საყვედური ამასთან დაკავშირებით და არც საჯაროდ არ უთქვამს, რომ სინამდვილეში, სხვა ადამიანები ცდილობდნენ დაეწერათ ქულები იმ ქველმოქმედებაზე, რომელსაც ის ახორციელებდა 90-იანი წლებიდან. არც შემდეგ, როდესაც ის პოლიტიკაში შემოვიდა, გახდა საჯარო პირი, არც შემდეგ არასდროს მოგვისმენია მისი საყვედური ამასთან დაკავშირებით.

    დღეს, როდესაც ბიძინა ივანიშვილი და მისი ოჯახი აგრძელებს საქმეს, რომელსაც წლების განმავლობაში აკეთებდა, აკეთებს ქუთაისის საერთაშორისო უნივერსიტეტს, რომელიც მომავლის პროექტია, ხდება აბასთუმნის განახლება მთლიანად, იწყება წყალტუბოს აღორძინების პროექტი, ეს ერთგვარი დამოკიდებულება, რომელიც აქვთ ოპოზიციის ამ ნაწილს და გარკვეულ ოპონენტებს, ეს მიუთითებს უბრალოდ, ამ ადამიანების შინაგან ღირებულებებზე, დამოკიდებულებებზე საკუთარი ქვეყნის მიმართ.

    როდესაც ეს კეთდებოდა იმ პერიოდში, როცა თვითონ იყვნენ ხელისუფლებაში, დიდი სიხარულით, თან ჩუმად, ისე, რომ არასდროს მადლობა არ უთქვამთ, რომ ამას აკეთებდა ბიძინა ივანიშვილი, ჭრიდნენ ლენტებს, პრეზენტაციებს აწყობდნენ. დღეს, როდესაც ეს საქმე გრძელდება, ისინი არიან უკმაყოფილოები. ეს რას ნიშნავს და რა შეფასება ეკუთვნის ამ ქცევას ეს საზოგადოებამ უნდა შეაფასოს.

    ასე გამოეხმაურა პარლამენტის თავმჯდომარე არჩილ თალაკვაძე ოპოზიციის ნაწილის განცხადებებს იმის შესახებ, რომ ბიძინა ივანიშვილი ქველმოქმედებას საარჩევნო მიზნებისთვის იყენებს.
    თალაკვაძე: ივანიშვილი 90-იანი წლებიდან ეხმარება თავის ქვეყანას, თუმცა სხვები ჭრიდნენ ლენტებს
  • უკანასკნელი დღეების განმავლობაში ჩვენს თვალწინ განვითარდა პროცესი, რაც თავისი არსით არის უმძიმესი და ურთულესი. მღელვარებამ მოიცვა მთელი საზოგადოება, მსოფლიო ყურადღების ცენტრში მოექცა საქართველოს უძველესი სამოციქულო საყდარი და აქ განვითარებული მოვლენები, რამაც არავინ დატოვა გულგრილი. ჩვენ აღმოვჩნდით იმ მდგომარეობაში, როგორც 2018 წლის ერთ-ერთ შეხვედრაზე მისი უწმინდესობა ბრძანებდა, „მთის მწვერვალიდან დაგორდა ლოდი“ და საფრთხე დაემუქრა ყველას და ყველაფერს...

    დღეს, როგორც არასდროს, გვჭირდება საღი აზრი, რაც შექმნილ ვითარებას გარკვეულწილად დაამშვიდებს და თანდათანობით დააბრუნებს განვითარების პერსპექტივაზე ორიენტირებულ კალაპოტში, იმ მძლავრ საყრდენზე, რაც საუკუნეთა განმავლობაში ქარიშხალთა პირობებში ეკლესიის მდგრადობას განაპირობებდა. არ უნდა გამოგვრჩეს მხედველობიდან, რომ წინ გველოდება არანაკლებ რთული გზა.

    ჩვენს სახარებისეულ რწმენას წინ ელოდება დიდი გამოცდა. დიდი გამოცდა ელის ჩვენს სამოქალაქო ცნობიერებასაც. რასაკვირველია, ეს არის ქრისტიანული ცხოვრების, თავისუფლებასა და დამოუკიდებლობაზე ორიენტირებული ერის არსებობის თანმდევი პროცესი.

    საბჭოთა წარსული, რომელიც ტოტალიტარიზმისა და კოლექტივიზმის სახით ჯერ კიდევ ჩვენს ქვეცნობიერშია ჩამალული, კვლავინდებურად გვიტევს და ცდილობს წარსულში ჩვენს დაბრუნებას...

    ნუთუ ეჭვი გვეპარება იმაში, რომ სადაც ქრისტეა, იქ გამარჯვებაცაა?!…და სადაც ქრისტიანულ ღირებულებთან ადამიანის ნების თანხვედრაა, იქ არის ქრისტე, ვითარცა მხსნელი. ცოდვის, უკეთურებისა და ბოროტების წინააღმდეგ დაპირისპირების უალტერნატივო საშუალებაა სარწმუნოება, სასოება და სიყვარული! შეშინებული და დამფრთხალი საზოგადოება, შეშინებული ქრისტიანი, ბევრად უფრო საშიში და სახიფათოა, ვიდრე ის, რისიც მას ეშინია.

    დღეს, დღის წესრიგში დგას ერთადერთი და უმთავრესი ამოცანა – შექმნილი კრიზისული ვითარების დაძლევა; და მხოლოდ ამის შემდეგ შეიძლება საუბრის გაგრძელება იმ რეჟიმში და იმ გარემოში, რომელიც საშუალებას მოგვცემს, რომ ყოველგვარი ხელის შემშლელი ფაქტორებისგან განრიდებულად ვიზრუნოთ არსებული პრობლემების დაძლევასა და შესაბამისი გადაწყვეტილებების მიღებისთვის.

    ფოთისა და ხობის მიტროპოლიტმა გრიგოლმა წუხელ ფოთის საკათედრო ტაძარში ღამისთევის მსახურება აღასრულა. ქადაგების ტექსტს პირველი არხი ავრცელებს.
    მეუფე გრიგოლი: გვჭირდება საღი აზრი, რაც შექმნილ ვითარებას გარკვეულწილად დაამშვიდებს
  • ცხოვრება თავისი დინებით მიმდინარეობს. საპატრიარქო კი არა, დღეს ხედავთ, რომ მთელი ქვეყანა გარკვეულწილად მღელვარებამ მოიცვა და პირველ რიგში, სიმშვიდეა საჭირო და ამის შემდგომ უკვე საუბარი იმ პრობლემებზე, რომლის წინაშეც დგას ეკლესია იქნება, ქვეყანა, თუ თითოეული ადამიანი.

    ამის შესახებ ფოთისა და ხობის მიტროპოლიტმა, მეუფე გრიგოლმა საპატრიარქოში განვითარებული მოვლენების შეფასებისას თქვა. მეუფე გრიგოლის ამ კომნენტარს პირველი არხი ავრცელებს.
    მეუფე გრიგოლი: საპატრიარქო კი არა, ქვეყანა მღელვარებამ მოიცვა, პირველ რიგში სიმშვიდეა საჭირო
  • ამ ქვეყანაში ცხოვრების უფლება გვაქვს ყველას თანაბრად. ნებისმიერი ქმედება, რაც აღვივებს სიძულვილს, აჩენს აგრესიას გარკვეული ჯგუფების მიმართ, არის ყოვლად მიუღებელი. 8 ნოემბერს რაც ხდებოდა, ეს არ იყო გამოხატვის თავისუფლება. ეს იყო აგრესია, ძალადობა, შეტევა პოლიციის ოფიცრებზე და იყვნენ კონკრეტული დაზარალებული ადამიანები. ამიტომ, ეს ცდება ყოველგვარი  გამოხატვის თავისუფლების ფარგლებს. ამ ყველაფერმა შეიძინა დანაშაულის ნიშნები და ზოგ შემთხვევაში სამართალდარღვევის და ამაზე სამართლებრივი რეაგირება არის აუცილებელი.

    ჩვენ იზოლირებულ საზოგადოებაში არ ვცხოვრობთ. მთელი მსოფლიო გვიყურებს და ეს ქვეყანას წარმოაჩენს ძალიან ცუდად. ცუდად წარმოაჩენს ჩვენს მისწრაფებებს და იმ ნარატივს, რაც ჩვენ გვაქვს, რომ ჩვენ ვართ ვროპული საზოგადოება, ვართ ცივილური, ევროპული, განვითარებული სამყაროს ნაწილი. ამიტომ, ეს ყველაფერი ცუდად ჩანს. მთავარია სახელმწიფომ თავისი როლი შეასრულოს. ძალიან მიხარია და მივესალმები რომ ფილმი გადის, მიხარია, რომ ფილმს აქვს საერთაშორისო წარმატება სხვადასხვა ფესტივალებზე და ფორმატებში.

    ასე შეაფასა საქართველოს პარლამენტის პირველმა ვიცე-სპიკერმა თამარ ჩუგოშვილმა კინოთეატრებთან მიმდინარე პროცესები ტელეკომპანია „იმედის“ ეთერში.
    ჩუგოშვილი: კინოთეატრ "ამირანთან" რაც ხდებოდა, ეს არ იყო გამოხატვის თავისუფლება
  • ბიძინა ივანიშვილი ძალიან ბევრ მნიშვნელოვან პროექტს აკეთებს, რომელსაც სახელმწიფო ვერ უმკლავდება თვითონ. სახელმწიფო აფინანსებს ისეთ პროექტებს, რომელიც არის ინფრასტრუქტურის განვითარებისთვის, ზოგადად, ქვეყნის განვითარებისთვის აუცილებელი, მაგრამ კონკრეტული  ძვირად ღირებული პროექტებისთვის, რომელსაც ძალიან დიდი თანხა და რესურსი ჭირდება, ბიძინა ივანიშვილი იხდის თავისი პირადი სახსრებიდან და შემოსავლიდან, თავისი ოჯახის ქონებიდან და აფინანსებს საზოგადოებისთვის მნიშვნელოვან პროექტებს.

    ამის შესახებ საქართველოს პარლამენტის პირველმა ვიცე-სპიკერმა თამარ ჩუგოშვილმა ტელეკომპანია „იმედის“ ეთერში ისაუბრა.
    ჩუგოშვილი: ივანიშვილი მნიშვნელოვან პროექტებს აკეთებს, რასაც სახელმწიფო ვერ უმკლავდება
  • დარბაზში შუქს ავანთებთ ან შეიძლება არ ავანთო, მაგრამ დავიძახო: "ამას რას უყურებთ, ხალხო" და ასეთი შეძახილებით გავაჩერო სეანსი

    ძალადობრივი აქციების ერთერთი ორგანიზატორი, გურამ ფალავანდიშვილი ასე გეგმავს ფილმის ჩვენების ჩაშლას
    დავიძახებ "ამას რას უყურებთ, ხალხო!" - გურამ ფალავანდიშვილი კინოსეანსზე ყვირილს გეგმავს
  • ერთერთი პოლიციელი ლაპარაკის დროს თვალებში მიყურებდა, ღიმილით შეურაცხმყოფდა და ჟურნალისტებს რომ არ დაენახათ ისე მწარედ მირტყამდა წვივებში წვეტიან ფეხსაცმელებს

    ძალადობრივი ჯგუფის ლიდერმა, ლევან ვასაძემ ვერის ბაღში შეკრებილ მომხრეებს მიმართა
    ვასაძე: პოლიციელი თვალებში მიყურებდა და წვივებში წვეტიან ფეხსაცმელს მწარედ მირტყამდა
  • უფლის ნება იყო ჩვენ დარბაზში არ შევსულიყავით. ჩვენ რომ იქ შევსულიყავით, პროვოკატორებს ვერ გავაკავებდით და კიდევ უფრო მეტი დაბრკოლდებოდა ტრადიციების მიმართ

    ძალადობრივი ჯგუფების ლიდერი ლევან ვასაძე გუშინ გამართულ აქციაზე
    ვასაძე: უფლის ნება იყო ჩვენ იქ არ შევსულიყავით
  • ვიღაც ჭინკებმა, რომ გავდიოდით სახურავიდან ფეკალური მასები გადმოგვანთხიეს, ხალხი დაისვარა 

    ძალადობრივი ჯგუფების ლიდერი ლევან ვასაძე გუშინ გამართულ აქციაზე
    ვასაძე: რომ გავდიოდით, სახურავიდან ფეკალური მასები გადმოგვანთხიეს, დაისვარა ხალხი
  • ჩვენი დიდი ისტორია და დიდი კულტურა, რითიც მე ვამაყობ... როდესაც უცხოელებს ვხვდები, დღევანდელობა ძნელი გვაქვს ძალიან და მძიმე, მე მაგალითად, უცხოელები მეორედ, მესამედ რომ მხვდებიან, თვითონვე უკვე ისტორიაზე მესაუბრებიან, რამდენადაც იციან, რომ ძირითადი საამაყო, რომ გვეკითხებიან, რა გვაქვს, ჩვენ გვაქვს უწყვეტი კულტურა მრავალსაუკუნოვანი, ჩვენი წინაპრები იყვნენ გენიალური ხალხი, ჩვენ მივიღეთ უნიკალური ტერიტორია და უნიკალური მიწები მათგან, მივიღეთ ძალიან კარგი გენეტიკა... ამ დიდ გამოწვევას უნდა ვუპასუხოთ

    ქართული ოცნების თავმჯდომარემ, ბიძინა ივანიშვილმა, ამის შესახებ იმ ინტერვიუში ისაუბრა, რომელსაც ქუთაისის საერთაშორისო უნივერსიტეტის Facebook-გვერდი ავრცელებს
    ივანიშვილი: ჩვენი ისტორიით, კულტურით ვამაყობ, დღევანდელობა ძნელი გვაქვს ძალიან
  • [აბიტურიენტების მომზადებისას] ვნახე და შევამჩნიე, რომ განათლების დონე და ატესტატებში ნიშნები იყო აცდენილი უკვე და ამან ჩემი გულწრფელი შეშფოთება გამოიწვია. მახსოვს თბილისში დავბრუნდი და ეს მოვუყევი ჩემს მეგობრებს და წერილიც გავამზადე. ერთი ჩემი მეგობარი ხშირად წერდა და მას ვთხოვე დახმარება, რომ გამყოლოდა, "ახალგაზრდა კომუნისტი" იყო და იქ მინდოდა დამებეჭდა ამაზე, რომ განგაში დავიწყოთ ქართველებმა, რომ სკოლებში თუ სწავლის დონემ არ აიწია... წერილი არ დამიბეჭდეს და იმედგაცრუებული წამოვედი

    ქართული ოცნების თავმჯდომარემ, ბიძინა ივანიშვილმა, ამის შესახებ იმ ინტერვიუში ისაუბრა, რომელსაც ქუთაისის საერთაშორისო უნივერსიტეტის Facebook-გვერდი ავრცელებს
    ივანიშვილი: ახალგაზრდა კომუნისტში წერილი არ დამიბეჭდეს, იმედგაცრუებული წამოვედი
  • ასპირანტურაში ვსწავლობდი მოსკოვში, როდესაც პირველად მიიქცია ჩემი ყურადღება საქართველოს განათლებამ და განათლების დონემ, როდესაც ასპირანტურაში ეკონომიკაში ვაკეთებდი დისერტაციას, აბიტურიენტებს ვამზადებდი ფიზიკა-მათემატიკაში და ამით ვცხოვრობდი პრინციპში იქ, სტიპენდიის გარდა, ეს იყო ჩემი შემოსავალი

    ქართული ოცნების თავმჯდომარემ, ბიძინა ივანიშვილმა, ამის შესახებ იმ ინტერვიუში ისაუბრა, რომელსაც ქუთაისის საერთაშორისო უნივერსიტეტის Facebook-გვერდი ავრცელებს
    ივანიშვილი: საქართველოს განათლებამ ჩემი ყურადღება მოსკოვში ასპირტურაში სწავლისას მიიქცია
  • მერვე წელია ბიძინა ივანიშვილის ხელისუფლების მხარდაჭერით ხდება ქვეყანაში მოძლიერება იმ ფაშისტური, ძალადობრივი ჯგუფების, რომლებიც ჩვენ გუშინ ვიხილეთ თბილისის ქუჩებში. ეს რეალურად არის რუსეთის დღის წესრიგი, რომ ხელი შეუწყოს ქვეყანაში საზოგადოების პოლარიზაციას და დაპირისპირების გაზრდას და მეორე მხრივ შექმნას განცდა, რომ დასავლეთში ინტეგრაციის გარშემო არსებობს ქვეყანაში ღირებულებრივი დაპირისპირება.

    ენმ-ის წევრი სალომე სამადაშვილი ტელეკომპანია "მთავართან" საუბრობს გუშინ, კინო ამირანთან გამართულ მოძალადე ჯგუფების აქციაზე, სადაც ანა სუბელიანს თავი გაუტეხეს. ჰომოფობიური და ძალადობრივი ჯგუფების ფილმის "და ჩვენ ვიცკევეთ" პრემიერის ჩაშლას ცდილობნენ, თუმცა ჩვენება მაინც ყველა კინოთეატრში შედგა.
    სამადაშვილი: ძალადობრივი ჯგუფები, რომლებიც ვიხილეთ, ხელისუფლების მხარდაჭერით ძლიერდებიან
  • გუშინ ქართული ოცნების ხელისუფლებამ მოახერხა და კიდევ ერთხელ ვერ ჩააბარა სამოქალაქო უსაფრთხოების დაცვის ელემენტარული გაკვეთილი. კიდევ ერთხელ გაბედეს პუტინისტმა მოძალადე ჯგუფებმა თავს დასხმოდნენ მშვიდობიან მოქალაქეებს, რომლებიც მიდიოდნენ ფილმის სანახავად. გაუტეხეს თავი ადამიანს და პოლიციამ ვერ არა, არ მოახერხა და არ გააკეთა ის, რომ დაეცვა საქართველოს მოქალაქეები. ეს არის მათი სულიერი ერთობა, როცა ბრუნდება საბჭოთა სულისკვეთება იმისა, რომ ვიღაცამ უნდა დააწესოს ცენზურა და შეზღუდოს ადამიანების შემოქმედებითი თავისუფლება.

    ევროპული საქართველოს წევრი სერგო რატიანი ტელეკომპანია "მთავართან" საუბრობს გუშინ, კინო ამირანთან გამართულ მოძალადე ჯგუფების აქციაზე, სადაც ანა სუბელიანს თავი გაუტეხეს. ჰომოფობიური და ძალადობრივი ჯგუფების ფილმის "და ჩვენ ვიცკევეთ" პრემიერის ჩაშლას ცდილობნენ, თუმცა ჩვენება მაინც ყველა კინოთეატრში...
    რატიანი: პოლიციამ ვერ არა, არ მოახერხა და არ დაიცვა საქართველოს მოქალაქეები
  • კატეგორიულად ვემიჯნები ყოველგვარ ძალადობას. ვფიქრობ, ქართული საზოგადოება არის ბრძენი, რომ თვითონ განსაზღვროს, რომელ კინოში წავიდეს, რა ნახოს და თვითონ გამოიტანოს დასკვნა. კატეგორიულად ვაცხადებ, რომ ის, რაც კანონით არის დაშვებული, არ შეიძლება ვიღაცამ თავისი გადაწყვეტილებით, მუქარის ფონზე, მიიღოს რაღაცა ქმედებები, რომ ვიღაცას შეუზღუდოს გადაადგილება, ყურება, მით უმეტეს, ცენზურის ელემენტები გაჩნდა, ეს არის მიუღებელი. ჩვენ ამის შესახებ განცხადება გავაკეთეთ „ლელოს“ ოფისში და ეს არის ჩვენი პოზიცია

    საზოგადოებრივი მოძრაობა "ლელოს" დამფუძნებელი მამუკა ხაზარაძე გუშინ, 8 ნომებერს კინო "ამირანთან" განვითარებულ მოვლენებზე, სადაც ძალადობრივი ჯგუფების ფილმის "და ჩვენ ვიცეკვეთ" ჩაშლას ცდილობდნენ. ხაზარაძის ამ კომენტარს პირველი არხი ავრცელებს.
    ხაზარაძე: ქართული საზოგადოება არის ბრძენი, რომ თვითონ განსაზღვროს, რომელ კინოში წავიდეს
  • ძალიან ცუდი სანახავი იყო ის, რაც გუშინ მოხდა და ვიხილეთ. ძალიან სამწუხაროა. საქართველოში წლების განმავლობაში ცხოვრობდნენ, ცხოვრობენ და მომავალშიც იცხოვრებენ განსხვავებული ეროვნების, სარწმუნოების და ორიენტაციის ადამიანები. ყოველთვის ყველას უფლებები დაცული იყო, დღესაც დაცულია და მომავალშიც იქნება დაცული.

    თბილისის მერი კახა კალაძე გუშინ კინო "ამირანთან" ძალადობრივი ჯგუფების მიერ გამართულ აქციაზე.
    კალაძე: საქართველოში იყვნენ და იქნებიან განსხვავებული სარწმუნოების, ორიენტაციის ადამიანები
  • ჩვენი მორწმუნეების დიდი ნაწილი გახლართულია ერთ ლაბირინთში და ვერ გამოდის იქიდან, აზროვნების ლაბირინთს ვგულისხმობ. მათი აზროვნება მოქცეულია რაღაც ბორკილებში, სრულიად არაქრისტიანული მიდგომაა, როგორც ისინი უდგებიან საკითხს. ამით თვითონაც იტანჯებიან, ქვეყანასაც ტანჯავენ და საზოგადოებას ზიანს აყენებენ. 

    რა არის ეს ლაბირინთი? თქვენ ხომ იცით, ლაბირინთში მოქცეული კაცი დადის, აწყდება აქეთ-იქით, შეიძლება დაიმშეს, დაიღალოს, გაავდეს... აი, ზუსტად ასეთ მდგომარეობაში არის ეს ხალხი, რომელმაც არ იცის ის კარი. ლაბირინთში ერთი კარია, იმ კარს თუ გააღებ, გათავისუფლდები ამ აზროვნების ტყვეობიდან. 

    ამ ხალხში ნაწილი ექსტრემისტულად არის განწყობილი, ნაწილი ზომიერია, ნაწილი ჩვეულებრივი, პატიოსანი ხალხია, მაგრამ მე ხშირად, როგორც მღვდელს, მომმართავენ კითხვით, "მამაო, რა ვქნათ?" მე მინდა, ყველას გასაგონად განახოთ ქრისტიანის აზროვნებაში ის კარი, რომელიც ამ ლაბირინთიდან გამოგიყვანთ. თქვენც დაისვენებთ და ამ ქვეყანასაც დაასვენებთ.

    რა არის ეს ლაბირინთი? აი, ჩვენ ხშირად გვესმის, რომ თავისთავად ჩვენს ქვეყანაში ცხოვრობს სხვაგვარად მოაზროვნე ხალხი, ურწმუნო ხალხიც ცხოვრობს, ღვთის მებრძოლი ხალხიც ცხოვრობს. ისეთი ხალხიც ცხოვრობს, ვინც აბსოლუტურად მტრულადაა განწყობილი ეკლესიისა და ქრისტიანობისადმი. ეს მათი არჩევანია. ღმერთმა ყველას მისცა თავისი არჩევანი. არსებობენ განსხვავებული სექსუალური ორიენტაციის ადაიანები, ესეც მათი არჩევანია, თუმცაღა ეკლესია ამას არ ეთანხმება და თავის წიაღში ამას ცოდვად თვლის, მაგრამ ეს ხალხი არსებობს და ირჩევს ამ გზას და ძალით ვერავის ვერაფერს გააკეთებინებ. თვით უფალიც ზეციდან არავის არაფერს აკეთებინებს, აცლის ყველას, თვითონ აირჩიონ თავისი გზა. და, აი, ეს ხალხი, ვინც ქრისტიანული წესით არ ცხოვრობს, პრობლემას აწყდება ქრისტიანების ამ ნაწილისგან. 

    აი, მაგალითად, რა არის პრობლემა. ატარებენ რაღაც კონცერტს, რომელიც ქრისტიანებს არ მოსწონთ. მიუვარდებიან და უნდათ, რომ ჩაუშალონ კონცერტი, რომელიც მათ არ მოსწონთ. ან მაგალითად, ატარებენ რაღაც კინოჩვენებას, რომელიც ქრისტიანობისთვის მიუღებელია შეიძლება, მივარდებიან და უნდათ, რომ ჩაშალონ ჩვენება. უნდათ რაღაც საკუთარი აზრი გამოხატონ დემონსტრაციის ფორმით, თუ მსვლელობის ფორმით, ჩაუსაფრდებიან, გამოეკიდებიან, ვნახეთ, რომ ქვებიც კი დაუშინეს. სცემენ, აგინებენ, სრულიად არაქრისტიანული მეთოდებით. ვიღაცას რაღაც ტანსაცმელი აცვია ისეთი, რომელიც ვიღაცას მიაჩნია არაქრისტიანულად, შეურაცხყოფას აყენებს ქუჩაში და ამგვარი რაღაცები. 

    როგორც კი შენ იწყებ ასე აზროვნებას ქრისტიანი, შენ უკვე გაბმული ხარ იმ ლაბირინთში, საიდანაც უკვე ვეღარ გამოხვალ, თუ არ შეცვალე მიდგომა. აი, რა არის ეს? რაში ცდებით თქვენ? რაში გადაუხვიეთ თქვენ ქრისტეს გზას? 

    ეს, რომ მე არ მინდა, ვიღაცას კონცერტი ჩავატარებინო, მე არ მინდა, ვიღაცას ფილმი ჩავატარებინო, მე არ მინდა, ვიღაცა ქუჩაში გამოვიდეს, მე არ მინდა, ვიღაცას ასე ეცვას, ეს არის ტოტალიტარული აზროვნება ქრისტიანობაში. ეს დამღუპველია. ეს ქრისტიანობისთვის უცხოა. ეს როდესღაც ამ ქვეყნის სულმა შემოიტანა ქრისტიანობაში ეს ტოტალიტარული აზროვნება და ჩვენ ახლა უკვე ვეღარ გამოვსულვართ აქედან

    საქართველოს მართლმადიდებელი ეკლესიის მღვდელი თამაზ ლომიძე ეხმაურება 8 ნოემბერს კინოთეატრ "ამირანთან" გამართულ აქციას, სადაც პროპუტინური, ძალადობრივი ჯგუფები ქართულ-შვედური ფილმის "და ჩვენ ვიცეკვეთ" პრემიერის ჩაშლას ცდილობდნენ, ისროდნენ პიროტექნიკას და აწვებოდნენ პოლიციის კორდონს.
    მამა თამაზი: რომ არ გინდა ვიღაცას ფილმი ჩაატარებინო, ტოტალიტარული აზროვნებაა ქრისტიანობაში
  • ხვალ 4 საათიდან დავიწყებთ შეკრებას. მე ცოტა უფრო გვიან მოვალ, იმიტომ კი არა რომ მეზარება. იმიტომ რომ როცა მოვდივარ იწყება ერთი ვაი უშველებელი ჟურნალისტებთან. ამიტომ მე უფრო 5-ისკენ მოვალ ალბათ და ჩვენ რაღაც დროს ისევ ვიქნებით ერთად და მერე მე ისევ გავაკეთებ განცხადებას და ჩვენ გადმოვალთ ისევ აქეთ ამირანთან. ისევ ვეცდებით შესვლას ამ კინოთეატრში და კინოსეანსის ჩაშლას. თუ პოლიცია ისევ იძალადებს, კიდევ ერთ სამარცხვინო ფურცელს ჩაწერს თავის ისტორიაში და ჩვენი მთავრობა კიდევ უფრო დაშორდება ქართველი ხალხის ღირსებას და ქართველი ხალხის სურვილებს. 

    8 ნოემბერს თბილისის კინოთეატრებთან სიძულვის ჯგუფების აქცია მიმდინარეობდა. ძალადობრივი ჯგუფები ფილმის “და ჩვენ ვიცეკვეთ” ჩვენების ჩაშლას ცდილობდნენ. მათი მცდელობის მიუხედავად, ფილმის ჩვენებები მთელი საქართველოს მასშტაბით დაგეგმილ დროს დაიწყო და შეუფერხებლად მიმდინარეობდა. შსს-ს ბოლო ინფორმაციით,...
    ვასაძე: ხვალ ისევ ვეცდებით შესვლას კინოთეატრში
  • არავის ეგონოს, რომ საქართველო გამონაკლისია განვითარებულ, დემოკრატიებს შორის, სადაც საზოგადოების აზრთა ასეთი სხვადასხვაობა ამ ფორმით არის გამოვლენილი. ასე რომ ტრაგედიას ამისგან ნუ შევქმნით, მაგრამ ყველას უნდა ახსოვდეს, რომ არსებობს კანონი და ამ კანონის დაცვით ვფასდებით ჩვენ მომავალ თაობაში, ჩვენი მოქმედებები მომავალი თაობისთვის უნდა იყოს სამაგალითო.

    მე ასე მგონია, რომ სწავლით, განათლებით არის შესაძლებელი დაძლევა იმ საწინააღმდეგო აზრისა, რომელიც გააჩნია საზოგადოების ერთ ჯგუფს. წინააღმდეგ შემთხვევაში ქვეყანას დაადგება ძალიან ცუდი დღე.

    თქვა ქართული ოცნების დეპუტატმა გია ვოლსკიმ ტვ პირველთან ინტერვიუში კინოთეატრ ამირანთან მიმდინარე მოვლენებზე, სადაც ფილმის "და ჩვენ ვიცეკვეთ" საწინააღმდეგო ძალადობრივი, პუტინისტური აქცია იმართება. აქციაზე თავს დაესხნენ სამოქალაქო აქტივისტს ანა სუბელიანს. მას მძიმე საგანი, სავარაუდოდ ქვა, ესროლეს.
    ვოლსკი: დემოკრატიებში საქართველო გამონაკლისია არაა, სადაც აზრთა სხვადასხვაობა ასე ვლინდება
  • მეგობრები ვართ ჩემთან სახლში შეკრებილები, ჩემი დებიც აქ არიან:)))

    მშობლები რიგრიგობით გვირეკავენ - სახლში ხართო, რუსთაველზე ხომ არ ხართო, ზოგიერთის დედას უბრალოდ ერიდება პირდაპირ კითხვა და გვეკითხება, როგორი დღე გვქონდა და რას ვაკეთებდით, შესაბამისად, იგებენ ვართ თუ არა სახლში, კიდევ ხომ არ ემუქრება მათ შვილებს თვალების დათხრა.

    არა, დღეს არ გაისვრიან არაფერს. არც აქციას დაშლიან ისე, როგორც დაშალეს. ეს აქცია ხომ რეალურ, საღ აზრს არ ემსახურება

    კინო ამირანთან მიმდინარე ძალადობრივ აქციაზე წერს მაკო გომური, რომელმაც 20 ივნისის აქციაზე თვალი დაკარგა. პროპუტინისტური ჯგუფები ფილმის "და ჩვენ ვიცეკვეთ" ჩაშლას ცდილობდნენ, თუმცა, პირველი სეანსი ყველა კინოთეატრში ჩატარდა. ძალადობრივი ჯგუფის წევრებმა სამოქალაქო აქტივისტს, ანა სუბელიანს თავში ქვა...
    მაკო გომური: არა, დღეს არ გაისვრიან არაფერს, ეს აქცია ხომ საღ აზრს არ ემსახურება
  • სასწრაფოს მანქანაში ვარ კინოთეატრ ამირანის მიმდებარე ტერიტორიაზე, ჩემთან ერთად არის ჰომოფობიური აქციის რამდენიმე წარმომადგენელი და ვისმენ ექიმის შეგონებებს იმაზე, რომ ეს ფილმი არის პროვოკაცია თურმე. სრულიად შემთხვევით გადამირჩა თვალი. მე და ჩემს მეგობრებს გაჭრილად გვაგინებდნენ, გვემუქრებოდნენ და პოლიციამ არაფერი გააკეთა მაგ შესაჩერებლად. მიზანმიმართულად მესროლეს დიდი ქვა ან მსგავსი მძიმე საგანი

    სამოქალაქო აქტივისტს ანა სუბელიანს კინო ამირანთან ძალადობრივი ჯგუფის წარმომადგენლები თავს დაესხნენ. პროპუტინური ჯგუფები ფილმის "და ჩვენ ვიცეკვეთ" ჩვენებას ძალადობრივად აპროტესტებენ.
    სუბელიანი: სასწრაფოს მანქანაში ვისმენ ექიმის შეგონებებს, რომ თურმე ეს ფილმი პროვოკაციაა
  • სასწრაფოს მანქანაში ვარ კინოთეატრ ამირანის მიმდებარე ტერიტორიაზე, ჩემთან ერთადვე არის ჰომოფობიური აქციის რამდენიმე წარმომადგენელი და ვისმენ ექიმის შეგონებებს იმაზე, რომ ეს ფილმი არის პროვოკაცია თურმე. სრულიად შემთხვევით გადამირჩა თვალი. მე და ჩემს მეგობრებს გაჭრილად გვაგინებდნენ, გვემუქრებოდნენ და პოლიციამ არაფერი გააკეთა მაგ შესაჩერებლად. მიზანმიმართულად მესროლეს დიდი ქვა ან მსგავსი მძიმე საგანი

    სამოქალაქო აქტივისტს ანა სუბელიანს კინო ამირანთან, სადაც ძალადობრივი ჯგუფები ფილმის "და ჩვენ ვიცეკვეთ" ჩვენებას აპროტესტებენ, თავს დაესხნენ.
    სუბელიანი: მიზანმიმართულად მესროლეს დიდი ქვა ან მძიმე საგანი, პოლიციამ არაფერი გააკეთა