ვერბატიმი

  • "ჩვენი პროგნოზით, ინფიცირების მატება უნდა გაგრძელდეს და ნოემბრის შუა რიცხვებში, მეორე-მესამე კვირას, გარკვეული პიკური პერიოდი დადგება ყოველდღიური შემთხვევების, რამდენ ხანს გაგრძელდება ეს, დამოკიდებულია იმაზე, ჩვენ როგორ მოვიქცევით. დღეს გვაქვს 60% პირბადის ხმარების, თუ ავიყვანთ ამას 95%-მდე მთელს ქვეყანაში, მაშინ, თითქმის გავანახევრებთ ახალ შემთხვევათა რაოდენობას.

    ამიტომ, ბევრი რამე ამ პროგნოზებთან დაკავშირებით დაკავშირებულია ჩვენს ქცევასთან, როგორ ვიხმართ პირბადეს, როგორ დავიცავთ დისტანციას, შევიკრიბებით და გვექნება თუ არა 300-400 კაციანი ქორწილები, ამისდა მიხედვით იქნება ინფექციის შემდგომი გავრცელების მაჩვენებელი. 

    ასე პასუხობს დაავადებათა კონტროლის ეროვნული ცენტრის ხელმძღვანელი ამირან გამყრელიძე ტაბულას კითხვას, თუ აქვთ დათვლილი რამდენი დღიური შემთხვევა და სიკვდილი იქნება დეკემბერ - იანვარში, რამდენი საწოლი იქნება დაკავებული და რამდენ ადამიანს დასჭირდება ვენტილაცია.
    გამყრელიძე: ნოემბრის შუაში გვექნება პიკი, სადამდე გაგრძელდება, ჩვენზეა დამოკიდებული
  • რა თქმა უნდა, რეკომენდაციები იგივე რჩება - უნდა დავიცვათ დისტანცია, უნდა ვიყოთ პირბადით, იქნება ეს ეკლესიაში თუ ეკლესიის გარეთ. და რაც შეიძლება ნაკლები თავშეყრა უნდა იყოს, იქნება ეს დახურულ შენობებში, თვითონ ეკლესიებში თუ ეკლესიის გარეთ.

    ამიტომ, ჩვენს საეკლესიო მოღვაწეებს და მრევლს ვთხოვ, მაქსიმალურად დაიცვან ეს რეკომენდაციები, ჩვენ გვქონდა ინფიცირების შემთხვევები რამდენიმე ტაძარში, როგორც საეკლესიო მოღვაწეების, ისე თვითონ მრევლის

    ამირან გამყრელიძე კითხვაზე, გასცემს თუ არა რეკომენდაციას, რომ ეკლესიებში წირვა-ლოცვა მრევლის გარეშე ჩატარდეს.
    გამყრელიძე: რაც შეიძლება ნაკლები თავშეყრა უნდა იყოს, იქნება ეს ეკლესიის შიგნით თუ გარეთ
  • წლის ბოლომდე, ალბათ, უკვე იქნება... ჯერ ბევრი არა, მაგრამ რამდენიმე ვაქცინა ნამდვილად იქნება წლის ბოლომდე. მესამე ფაზაში არიან ახლა კვლევის, გარდა ამისა, ვიცით, რომ ჩინეთში უკვე გამოიყენება კიდეც ერთი ვაქცინა და კიდევ ორზე არის ლაპარაკი, ასე, რომ ჩემი აზრით, გაზაფხულიდან რამდენიმე ვაქცინა მაინც უკვე იქნება მსოფლიოში...

    ჯერ იმ ქვეყნებში იქნება, რომლებიც თვითონ აწარმოებენ, თავიანთი ქვეყნებისთვის, და იმედი გვაქვს, რომ გაზაფხულიდან იქნება ხელმისაწვდომი სხვა ქვეყნებისთვისაც, მათ შორის ჩვენთვის

    დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძე FB-live-ში.
    იმნაძე: წლის ბოლომდე კორონავირუსის რამდენიმე ვაქცინა ნამდვილად იქნება
  • სამედიცინო საზოგადოების და ჯანდაცვის სისტემის უპირველესი მოვალეობაა, რომ ყველა გამოწვევას შესაბამისად შეხვდეს, მაგრამ მოგეხსენებათ, ამოუწურავი რესურსები არ არსებობს, მათ შორის ჯანდაცვის სექტორში. ამიტომ, რა გახლავთ ასეთი რაოდენობა, რიცხვებში არ გამოიხატება.

    რა თქმა უნდა, პროგნოზირების რამდენიმე სცენარი გვაქვს. ჯერჯერობით, ხედავთ, რომ საქართველოს ჯანდაცვის სისტემა უმკლავდება დღიურად, დაახლოებით, 2 000 შემთხვევას, ამიტომ, მე ვფიქრობ, არ მივალთ იმ სტატიამდე, როცა გეგმა ბ-ს ამუშავება იქნება საჭირო. ჯანდაცვის სექტორმა უნდა გაუძლოს. 

    ასე უპასუხა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ, Ipn-ის კითხვას, ინფიცირების რა რაოდენობის შემთხვევაში გაუჭირდება ჯანდაცვის სისტემას ეპიდემიის მართვა.
    გამყრელიძე: არ უნდა მივიდეთ იმ დონემდე, როცა ჯანდაცვას ინფიცირებულთა მართვა გაუჭირდება
  • ძალიან დიდი მნიშვნელობა აქვს ეპიდემიის განვითარების ამ ეტაპზე თანამშრომლობას სახელმწიფოს, სამედიცინო საზოგადოებას და მოსახლეობას შორის, ანუ სინქრონული, ერთიანი პასუხი ამ დიდ გამოწვევაზე, რომელიც პირდაპირ გეტყვით, არ არის მარტივი, ის არ დამთავრდება ნოემბერში, დეკემბერში ან მარტ-აპრილში, ის საკმაოდ კარგა ხანს იქნება.

    ამიტომ, ის მთავარი სლოგანი, რომ ჩვენ ვცხოვრობთ და უნდა ვიცხოვროთ კორონავირუსულ ინფექციასთან ერთად, ძალაშია და უნდა დავიცვათ ის რეკომენდაციები, რომელზეც ხშირად ვსაუბრობთ და შესაძლოა, თავი შეგაწყინეთ, მაგრამ სულ უნდა შეგახსენოთ - პირბადე, დისტანცია, ჰიგიენის წესების დაცვა, არგამართვა დიდი თავყრილობების და რაც შეიძლება, მეტ ხანს ჰაერზე ყოფნა

    დაავადებათა კონტროლის ეროვნული ცენტრის დირექტორი ამირან გამყრელიძე FB-live-ში.
    გამყრელიძე: Covid 19 არ დამთავრდება ნოემბერში, დეკემბერში ან მარტ-აპრილში
  • დიახ, ჩვენ გვექნება შემთხვევათა ზრდა, მაგრამ ეს ზრდა მართვადია, კონტროლს ექვემდებარება, ჯანდაცვის სისტემა შესაბამის პასუხს აძლევს მომატებულ მაჩვენებელზე, კიდევ ერთხელ ვამბობ, რომ ჯანდაცვის სისტემა მართავს სიტუაციას

    დაავადებათა კონტროლის ეროვნული ცენტრის დირექტორი ამირან გამყრელიძე FB-live-ში. ბოლო 24 საათში საქართველოში 1824 ახალი შემთხვევა გამოვლინდა, გარდაიცვალა 23 ადამიანი,
    გამყრელიძე: დიახ, გვექნება ზრდა, მაგრამ ეს კონტროლს ექვემდებარება, ვმართავთ
  • დიახ, ვთანამშრომლობთ ამ ორგანიზაციებთან ძალიან მარტივი მიზეზით - თითოეული ამომრჩევლის ხმა დავიცვათ და რაც შეიძლება, მეტი დამკვირვებელი იყოს მობილიზებული საარჩევნო უბანზე. ამას არ კრძალავს კანონი და ეს არის ჩვენი უფლება. 

    საქართველო არის ერთადერთი ქვეყანა, სადაც კომისიის წევრების 2/3, 12-დან 9 წევრს აკონტროლებს ქართული ოცნება.

    ვაფრთხილებ წულუკიანსაც, ივანიშვილსაც, გახარიასაც, კობახიძესაც და აბსოლუტურად ყველას - ხელი არ წაგიცდეთ არჩევნების გაყალბებაზე, თორემ მაგ ხელებს დაგამტვრევთ, იცოდეთ. არ მოგცემთ შესაძლებლობას არც ერთი ხმის გაყალბების

    სტრატეგია აღმაშენებლის ლიდერი გიორგი ვაშაძე ქართული ოცნების სიის მეოთხე ნომერს, თეა წულუკიანს პასუხობს. წულუკიანმა ბრიფინგზე განაცხადა, რომ "ოპოზიციური სპექტრი და მისი ყველაზე რადიკალური წარმომადგენლები შეეცდებიან, შექმნან ცრუ ინფორმაციები არჩევნების დღეს და მომდევნო დღეებში, თითქოს იყო საარჩევნო...
    ვაშაძე ოცნებას: ხელი არ წაგიცდეთ არჩევნების გაყალბებაზე, თორემ მაგ ხელებს დაგამტვრევთ
  • ერთი კვირა კი არა, შეიძლება, ერთი თვე ვდიოთ, ან მეტი, ან ნაკლები, ეს პრობლემა არ არის არანაირი.

    გვაცადეთ, თქვენი ტელევიზია თუ გვაცდის, ნამდვილად დავაკავებთ, ერთი მაგას გეტყვით, თქვენი ტელევიზია თუ გვაცდის

    შს მინისტრი ვახტანგ გომელაური მთავარ არხთან ინტერვიუში, კითხვაზე, რატომ ვერ დააკავეს ზუგდიდში საქართველოს ბანკის თავდამსხმელი და ტეროროსტულ აქტში ბრალდებული ბადრი ესებუა.
    გომელაური მთავარ არხს: თქვენი ტელევიზია თუ გვაცდის, ბადრი ესებუას ნამდვილად დავაკავებთ
  • ერთი კვირა კი არა, შეიძლება, ერთი თვე ვდიოთ, ან მეტი, ან ნაკლები, ეს პრობლემა არ არის არანაირი.

    გვაცადეთ, თქვენი ტელევიზია თუ გვაცდის, ნამდვილად დავაკავებთ, ერთი მაგას გეტყვით, თქვენი ტელევიზია თუ გვაცდის

    შს მინისტრი ვახტანგ გომელაური მთავარ არხთან ინტერვიუში, კითხვაზე, რატომ ვერ დააკავეს ზუგდიდში საქართველოს ბანკის თავდამსხმელი და ტეროროსტულ აქტში ბრალდებული ბადრი ესებუა.
    გომელაური: ბადრი ესებუას ერთი კვირა კი არა, შეიძლება, ერთი თვე ვდიოთ, ეს პრობლემა არ არის
  • ვაფრთხილებ ივანიშვილს, არანაირი სურვილი არ მაქვს არც თქვენი ჩამოშლის, იმიტომ კი არა, რომ თქვენთან რაიმე სენტიმენტები მაქვს, უბრალოდ, მინდა, ქვეყანა ნორმალურად გადავიდეს სხვა რეჟიმში, არც ქუჩაში დგომის სურვილი მაქვს. დავალეწავ ყველას ყველაფერს თავზე, ვინც გაბედავს და გამიყალბებს ხმებს და იმედია, ასე გააკეთებს სხვა ოპოზიციური პარტიაც და არავინ არავის არ გაურიგდება

    ერთიანი საქართველოს ლიდერი ნინო ბურჯანაძე პალიტრანიუსის გადაცემაში - ნიუსრუმი.
    ბურჯანაძე: დავალეწავ ყველას ყველაფერს თავზე, ვინც გაბედავს და გამიყალბებს ხმებს
  • შეხედეთ, კადრები ვინ არიან, ვინ მართავს ქვეყანას? კობახიძე არ არის უნიჭო ბიჭი, მცოდნე იურისტია, მაგრამ აღმოჩნდა, სამწუხაროდ, არარაობა, რომელიც იმდენად გადაირია თანამდებობის გამო და ამ დროს არ უნდა გადარეულიყო წესით, ნორმალურ ოჯახშია გაზრდილი. ასე რატომ უნდა გადაირიო? ასე რატომ უნდა შეაძულო ყველას თავი? ასეთი ცინიკური რატომ უნდა იყო და მერე გეყოს ჭკუა და "გლავკანალი" და "პერვი კანალი" რომ ამბობ, ივანიშვილმა სად იშოვა მილიარდები, ბაბუამისმა დაუტოვა? არ ვიცით, სად იშოვა? არ ვიცით, 2012 წელს ასობით მილიონი როგორ წამოიღო რუსეთიდან ? ამ პირობებში "გლავკანალი" სხვა რაღაცებს გვახსენებს, ამიტომ, გაჩუმდე ჯობია.

    ამბობს ერთიანი საქართველო - დემოკრატიული მოძრაობის ლიდერი, ნინო ბურჯანაძე პალიტრანიუსის ეთერში.
    ბურჯანაძე: კობახიძე არ არის უნიჭო ბიჭი, მაგრამ არარაობაა
  • ახლა შეგიყვარდათ სოსო ჯაჭვლიანი, ძალიან კარგია, ნაციონალებს შეუყვარდათ სოსო ჯაჭვლიანი, ეს არის, მგონი, ძალიან სახალისო ამბავი

    იუსტიციის ყოფილი მინისტრი, ქართული ოცნების სიის მეოთხე ნომერი თეა წულუკიანი ქართული ოცნების ყოფილი დეპუტატის სოსო ჯაჭვლიანის შესახებ დასმულ კითხვაზე. ჯაჭვლიანმა 26 ოქტომბერს განაცხადა, რომ "ამ წუთიდან მე ქართული ოცნების წევრი აღარ ვარ, იმ ზონდერ ბრიგადის წევრი მე ვერასოდეს ვერ ვიქნები, ღმერთმა...
    წულუკიანი: ახლა შეგიყვარდათ სოსო ჯაჭვლიანი? ეს არის ძალიან სახალისო ამბავი
  • ჩემი მადლობა ეფუძნება იმას, რომ ზუგდიდში ჩვენ არ ვიხილეთ სისხლისღვრა. ეს არის მთლიანად იმ სახელმწიფო სტრუქტურების და პოლიციის დამსახურება, რომელსაც თქვენ, სამწუხაროდ, ჩამოშლილს უწოდებთ.

    თქვენ თუ ეს ჩამოშლად მიგაჩნიათ, ალბათ, არჩამოშლად მიიჩნევდით იმას, რომ ჩვენ, ღმერთმა დაგვიფაროს და გაგვღვიძებოდა ისეთ ზუგდიდში, სადაც ტროტუარი მოფენილი იქნებოდა გვამებით. ალბათ ეს უფრო იქნებოდა მავანისთვის სასიხარულო. მადლობა პოლიციას, რომ ეს ასე არ მოხდა.

    ალბათ, თქვენც გაგიხარდებოდათ გვამებით მოფენილი ზუგდიდური ტროტუარები, რაც არ მოხდა. კიდევ ერთხელ, დიდი მადლობა პოლიციას. მიკვირს, რომ ადამიანებს არ მოსწონთ ის, რომ ადამიანების სიცოცხლე იქნა გადარჩენილი

    ქართული ოცნების სიის მეოთხე ნომერი თეა წულუკიანი ზუგდიდში საქართველოს ბანკზე თავდასხმაზე.
    წულუკიანი ჟურნალისტს: ალბათ, თქვენც გაგიხარდებოდათ გვამებით მოფენილი ზუგდიდური ტროტუარები
  • მინდა, გითხრათ და დაგპირდეთ, რომ მომავალი 4 წელი იქნება სამეგრელოს და საქართველოს აღმშენებლობის 4 წელი. ეს იქნება ის ოთხი წელი, როდესაც ჩვენ საბოლოოდ გავუმკლავდებით სისტემურ ინფრასტრუქტურის ხარვეზებს, ეს იქნება გზები, ეს იქნება წყალმომარაგება, ეს იქნება გაზიფიცირება, ეს იქნება სკოლები, ეს იქნება საბავშვო ბაღები და სისტემური ჯანდაცვის ობიექტები, რომლებიც ჩვენ, ყველამ ერთად, უნდა მივიყვანოთ ისეთ მდგომარეობაში, რომ ვიცხოვროთ ეკონომიკურად ძლიერ, თავისუფალ, სამართლიან და, რაც მთავარია, ევროპულ სახელმწიფოში

    თქვა საქართველოს პრემიერმინისტრმა, გიორგი გახარიამ წალენჯიხაში, გაზიფიცირების ანგარიშის წარდგენაზე.
    გახარია: მომავალი 4 წელი იქნება სამეგრელოსა და საქართველოს აღმშენებლობის 4 წელი
  • საპატრიარქო ყოველთვის ყველა მთავრობის გვერდში იდგა. ერთადერთი არ დაუდგნენ გვერდით ზვიად გამსახურდიას ხელისუფლებას და ცნობილი კატასტროფით დამთავრდა ეს ყველაფერი. არც ერთხელ საჯაროდ არ გამოუხატავთ სიმპათია ოპოზიციის მიმართ. კი მაგრამ, ოპოზიციონერი კი ვარ, მაგრამ ათიდან ერთ სიმართლეს მაინც ხომ ვამბობ და იმ ერთ სიმართლეში მაინც დამიჭირე მხარი. რომ ვამბობ, რომ ხელფასი ხალხს, პური ხალხს, მკურნალობა ხალხს... ეს ხალხი შენი მრევლი ხომაა? ამაზე არ უნდა ამოიღო ხმა? 

    რა თქმა უნდა, საპატრიარქოში, სამწუხაროდ, არსებობს პრორუსული ფრაქცია, საკმაოდ ძლიერი და გავლენიანი, რომელიც აკეთებს რუსეთის საქმეს და რომელიც პრაქტიკულად იმართება რუსეთის საპატრიარქოს მიერ და უახლოვდება ეგზარქოსობის ინსტიტუტს. 

    ჩვენ გვჭირდება ეროვნული საპატრიარქო, რომელიც არავისტი არ იქნება. როგორ შეიძლება საპატრიარქო იყოს პრორუსული, პროამერიკული, პროევროპული? პროქართული უნდა იყოს, პროქრისტიანული, პროღმერთისტული უნდა იყოს. სად გაგონილა, პოლიტიკური ორიენტაციები შიგნით და გარეთ ჰქონდეთ ღვთისმსახურებს?!

    ლეიბორისტული პარტიის ლიდერმა და ნაძალადევის ოლქში ოპოზიციის საერთო მაჟორიტარი დეპუტატობის კანდიდატმა, შალვა ნათელაშვილმა, ამის შესახებ ფორმულას ეთერში ისაუბრა.
    ნათელაშვილი: საპატრიარქო უნდა იყოს პროქართული, პროღმერთისტული, პროქრისტიანული
  • ეეხ, ეს გეგმაც როგორ გამიგო ივანიშვილმა, როგორ ჩამიშალა, საიდან გაიგო, რომ მე აქედან და ნაციონალური მოძრაობა ადგილზე ვაპირებდით, როგორც თვითონ თქვეს, Deepfake-ს სისტემით არჩევნების გაყალბებას. ასე ტრიალებს იმედზე, მაგათ სხვა არხებზე, ძალიან შემაშფოთებელი ინფორმაციაა, კიდევ კარგი, რომ დროზე გაიგეს, მსოფლიოში პირველი უნიკალური მაგალითი იქნება, როცა ოპოზიცია აყალბებს არჩევნებს.

    ეს ხუმრობით და ისე, ვაი, მართლა მაგათ პატრონს. აგებენ არჩევნებს დიდი უპირატესობით და დაიწყეს ლაპარაკი, რომ თურმე ჩვენ გავაყალბებთ არჩევნებს. სინამდვილეში, რაზეც შეშფოთდნენ, პირველად, მთელი ამ არჩევნების განმავლობაში (ადრე ისე რომ ვიქცეოდით, იდეალური მსხვერპლივით), შევქმენით უკრაინელი სპეციალისტების და უცხოელების დახმარებით, სახის და სხეულის ამომცნობი სისტემა, რომელიც მათ კარუსელებს პრაქტიკულად დაუბრკოლებელ ბარიერებს უქმნის. ძალიან შეშფოთდნენ და აღარ იციან, ახლა რა ქნან. გაყალბებული სიები აქვთ, აპირებენ, არარსებულ ხალხს მიაცემინონ ხმა, ეს არის ივანიშვილის ბოლო იმედი...

    მაინც არაფერი გამოუვათ, არჩევნებს დავაკვირდებით, არჩევნებზე გავიმარჯვებთ და მოემზადონ გუდა-ნაბადის ასაკრავად, ხელისუფლების მშვიდობიანი გადმოსაბარებლად, როგორც გადავაბარეთ, ისევე გადმოგვაბარებენ

    ერთიანი ნაციონალური მოძრაობა - ძალა ერთობაშიას პრემიერობის კანდიდატი მიხეილ სააკაშვილი ქართული ოცნების აღმასრულებელი მდივნის, ირაკლი კობახიძის განცხადებას ეხმაურება. კობახიძის თქმით, პარტიის ინფორმაციით, "რადიკალური ოპოზიცია Deepfake-თ ამზადებს მასალებს" და შესაძლოა, არჩევნების წინა დღეს ან იმავე...
    სააკაშვილი: Deepfake-ს სისტემით გაყალბების გეგმაც როგორ გამიგო ივანიშვილმა, ვაი, მაგათ პატრონს
  • თქვენ იცით ჩემი პრინციპი - სიტყვა ლაპარაკის ნაცვლად, საქმე ლაპარაკის ნაცვლად და საქმე ისე მომენატრა, ლაპარაკი ისე მომბეზრდა... 8 წელიწადი ხომ ვლაპარაკობ გეგმებზე, მორჩა უკვე, დროა, გადავიდეთ, მივაწვეთ, გავაკეთოთ, შევქმნათ, თქვენთან ერთად ავაშენოთ. ეს ხელები მართლა მექავება იმისთვის, რომ ავაშენოთ, შევძლოთ და გავაკეთოთ

    ერთიანი ნაციონალური მოძრაობა - ძალა ერთობაშიას პრემიერობის კანდიდატი მიხეილ სააკაშვილი კახეთში წინასაარჩევნო შეხვედრაზე ჩართვისას.
    სააკაშვილი: საქმე ისე მომენატრა, ხელები მექავება, ლაპარაკი მომბეზრდა
  • ჩვენ შიდა მუშაობისთვის ე.წ ოთხფერიან შუქნიშანს ვხმარობთ [მწვანე, ყვითელი, ნარინჯისფერი და წითელი]. ვანგარიშობთ საერთო შემთხვევათა რიცხვს მილიონ მოსახლეზე, მაგრამ უფრო სწორია, როცა ვანგარიშობთ ყოველდღიურ ახალ შემთხვევათა ინციდენტობას 100 000 მოსახლეზე გადათვლით – ბოლო ორი კვირის ან ერთი კვირის განმავლობაში გადათვლით. ზოგადად, იღებენ ხოლმე ბოლო ორ კვირას და ამით ანგარიშობენ საშუალოს ბოლო ორი კვირის განმავლობაში, ყოველდღიური ახალი შემთხვევები 100 000 მოსახლეზე რამდენი გაქვს და ამის მიხედვით, შენ აწესებ ამ შუქნიშანს. ჩვენ ახლა უკვე გადავაბიჯეთ წითელ ზონაში. ეს გულისხმობს, რომ ფერების მიხედვით ვუყურებთ, რამდენი საწოლი უნდა გვქონდეს, რამდენი ექიმი ერთვება მუშაობაში, რა მარაგები უნდა გვქონდეს...

    ამბობს დაავადებათა კონტროლის ეროვნული ცენტრის ხელმძღვანელი, ამირან გამყრელიძე საკოორდინაციო საბჭოს სხდომის დასრულების შემდეგ.
    გამყრელიძე: ჩვენ ახლა უკვე გადავაბიჯეთ წითელ ზონაში
  • ჩვენ სისტემურ შეზღუდვებს არ ვაწესებთ და ვაგრძელებთ იმ სტრატეგიის მიხედვით სვლას, რომელი სტრატეგიის მიხედვითაც ბოლო პერიოდის განმავლობაში მივდივართ, კერძოდ, ვაგრძელებთ ვირუსთან ადაპტაციასა და მის მართვას წერტილოვანი და ლოკალური შეზღუდვებით იქ, სადაც ამის საჭიროება არსებობს ეპიდემიოლოგიური ვითარების გათვალისწინებით. მაქსიმალურად ვცდილობთ, რომ დავიცვათ ბალანსი - დავიცვათ მოქალაქეების სიცოცხლე და ჯანმრთელობა, ერთი მხრივ, ხოლო მეორე მხრივ, რაც შეიძლება ნაკლები ზიანი მივაყენოთ ეკონომიკას, რათა პოსტკრიზისულ პერიოდში შევინარჩუნოთ სწრაფი აღდგენის რესურსი. ამ მხრივ, ჩვენ პოზიტიური ტენდენციები გვქონდა და მაქსიმალურად ვცდილობთ ამ ტენდენციების შენარჩუნებას [...]

    ჩვენ ბოლო დღეების განმავლობაში, როგორც გახსოვთ, მკაცრი რეკომენდაცია გავეცით 3 ქალაქში: თბილისში, ბათუმსა და ქუთაისში გარე სივრცეში პირბადის ტარებასთან დაკავშირებით და ძალიან მნიშვნელოვანია, რომ ჩვენმა მოქალაქეებმა ეს წესი ზედმიწევნით შეასრულონ, განსაკუთრებით იმ ადგილებში, სადაც დისტანციის დაცვა შეუძლებელია, მაგალითად: რიგებში, გაჩერებებზე, სადაც დისტანციის დაცვა შეუძლებელია. ვინაიდან, წესების დაცვა პირდაპირაა დაკავშირებული ვირუსის გავრცელების შენელებასთან. თუ ჩვენ გვექნება 90%-იანი შესრულება წესების, პირბადის ტარების და დისტანციის დაცვის განსაკუთრებით, მაქსიმალურად შევძლებთ, რომ, დაახლოებით, 70%-ით ვირუსის გავრცელების ტემპი შევანელოთ. რაც უფრო მეტად მოხდება წესების დაცვა, ნაკლებად მოგვიწევს ლოკალური და წერტილოვანი შეზღუდვების დაწესება.

    ამბობს მთავრობის ადმინისტრაციის ხელმძღვანელი, ნათია მეზვრიშვილი საკოორდინაციო საბჭოს სხდომის დასრულების შემდეგ.
    მეზვრიშვილი: წესების 90%-იანი შესრულებით, ვირუსის გავრცელების ტემპს 70%-ით შევანელებთ
  • ეს არ იყო უბრალოდ უპასუხისმგებლო პოლიტიკური პარტიის ქმედება, ეს იყო შეგნებული დივერსიული აქტი. მიზანი იყო პანდემიის გავრცელება. მათ იმედი აქვთ, რომ მათ მიერვე გავრცელებული პანდემია, რაღაცნაირად აისახება არჩევნების შედეგებზე თუმცა, კვლევები აჩვენებს იმას, რომ დივერსანტების წინააღმდეგ მცირდება რეალურად მხარდამჭერთა რაოდენობა და არა იმ პარტიების მიმართ, რომლებიც ებრძვიან კოვიდ-ინფექციას.

    შესაბამისად, მათი ასეთი დივერსიული აქტებიც ვერ გამოიღებს შედეგს და სამწუხაროა, რომ რაც მოხდა ბათუმში, გრძელდება სხვა უკვე რეგიონებში, რაც მიანიშნებს იმას, რომ ე.წ. პოლიტიკოსებისთვის არაფერს ნიშნავს ადამიანის სიცოცხლე, ადამიანის ჯანმრთელობა. ამით იყო გამორჩეული ნაციონალური მოძრაობა ცხრაწლიანი მმართველობის პერიოდში და დღემდე ამით არის გამორჩეული

    ქართული ოცნების აღმასრულებელი მდივანი ირაკლი კობახიძე ბათუმში ერთიანი ნაციონალური მოძრაობა-ძალა ერთობაშიას აქციაზე.
    კობახიძე ენმ-ს აქციაზე: ეს იყო დივერსიული აქტი, უნდათ პანდემიის გავრცელება
  • ვიზიარებ ჩემი კოლეგების და ამ ექიმის ოჯახის წუხილს, ძალიან ვწუხვართ, რომ დავკარგეთ ერთი კოლეგა. უნდა გავითვალისწინოთ, რომ ექიმებს, როგორც სხვა მოქალაქეებს, ესაჭიროებათ გაფრთხილება, სწორედ ამას ეფუძნებოდა ის თხოვნები და მოწოდებები, რომ დავიცვათ დისტანცია, გამოვიყენოთ პირბადე და დავიცვათ ყველა ის მითითება, რომელსაც ჩვენ უკვე ცხრა თვეზე მეტია, მოვუწოდებთ მოქალაქეებს.

    ექიმებიც სწორედ ისევე ატარებენ რისკს და არიან პირველ ხაზზე, როგორც ჩვენი მოქალაქეები, რა თქმა უნდა, მათ ჯანმრთელობასაც გაფრთხილება ესაჭიროება.

    თქვენთვის ცნობილია, რომ არ ვსაუბრობ გარდაცვალების მიზეზებზე, ეთიკის ნორმებიდან გამომდინარე, ამაზე საუბარი არის მიუღებელი

    ჯანდაცვის მინისტრი ეკატერინე ტიკარაძე კორონავირუსით გარდაცვლილ ექიმზე.
    ტიკარაძე Covid 19-ით გარდაცვლილ ექიმზე: მათ ჯანმრთელობასაც სჭირდება გაფრთხილება
  • თუ ნიღბის მოხმარება მოსახლეობაში 95%-იან მაჩვენებელს მიაღწევს, იანვრის ბოლოსთვის ევროპაში შესაძლებელი იქნება 278 000 სიცოცხლის შენარჩუნება. პირდაპირ მიუღითებენ ევროპას, სინგაპურის მაგალითი მოჰყავთ აქ, ნიღბის გამოყენება უნდა გახდეს სავალდებულო.

    საქართველოში ნიღბის ხმარება 60-64%-ის ფარგლებში გვაქვს და მოწოდებაა, რომ ეს ავიდეს 95%-ზე, თუ ასე იქნება ჩვენ შესამჩნევად შევამცირებთ ახლად ინფიცირებულთა რაოდენობას და შესაბამისად ახვა ინდიკატორებს ქვეყანაში.

    ამბობს დაავადებათა კონტროლის ეროვნული ცენტრის ხელმძღვანელი, ამირან გამყრელიძე საკოორდინაციო საბჭოს სხდომის დასრულების შემდეგ გამართულ ბრიფინგზე.
    გამყრელიძე: ნიღბის ხმარება 60-64%-ის ფარგლებშია, მოწოდებაა ავიდეს 95%-ზე
  • ჩვენ შევიმუშავეთ არაერთი პროტოკოლი ოჯახის ექიმებისთვის და ბოლო დღეებში, ალბათ, ყველა ჩვენი მოქალაქე გრძნობს, რამდენად გააქტიურდა ოჯახის ექიმების ჩართულობა მათი მართვის კომპონენტში.

    ჩვენ კიდევ ვდგამთ დამატებით ნაბიჯებს, რომ თითოეული ჩვენი მოქალაქე იყოს მისი პერსონალური ოჯახის ექიმის მხრიდან მართული და ამასთან დაკავშირებითაც გვაქვს საკმაოდ მოქნილი პროტოკოლები, ეს არის ჩვენთვის დღესდღეობით პრიორიტეტი.

    ჯანდაცვის მინისტრი ეკატერინე ტიკარაძე.
    ტიკარაძე: ალბათ ყველა გრძნობს, როგორ გააქტიურდა ოჯახის ექიმი მათი მართვის კომპონენტში
  • ჩვენ ნელ-ნელა ვსწავლობთ და კიდევ უკეთესად უნდა ვისწავლოთ ის, რომ არჩევნები არ არის მუშტი-კრივი. არ უნდა იყოს, ყოველ შემთხვევაში...

    თქვა იუსტიციის ყოფილმა მინისტრმა „იმედის“ გადაცემაში „რა დროს ძილია?!“
    წულუკიანი: არჩევნები არ არის მუშტი-კრივი
  • ჩვენ გვაქვს შანსი, 31 ოქტომბრის არჩევნები ვაქციოთ საქართველოს ისტორიული შემობრუნების წერტილად, რადგან 6 დღის შემდეგ თქვენი ხმა იქცევა კანონად, რომელიც არა ოთხი, არამედ ათწლეულებით განსაზღვრავს ჩვენს მომავალს. ცვლილებები მოხდება მაშინ, თუ ყველანი ვირწმუნებთ ამას და ვიმოქმედებთ რწმენით, რომ ამის გაკეთება შეგვიძლია, ამისთვის კი საჭიროა, რაც შეიძლება, ბევრი პატრიოტი, გულანთებული მოქალაქე მივიდეს არჩევნებზე. ამ უსამართლობასთან შეგუება დანაშაულია, ნუ მისცემთ უფლებას მათ, ვინც 8 წლის განმავლობაში თქვენს ცხოვრებას ანგრევდა, კვლავ თქვენს ნაცვლად გადაწყვიტოს თქვენი მომავალი.

    ამბობს სტრატეგია აღმაშენებლის ლიდერი, გიორგი ვაშაძე, პარტიის რეგიონული ტურის წინასაარჩევნო დასკვნით შეხვედრაზე.
    ვაშაძე: გვაქვს შანსი, 31 ოქტომბრის არჩევნები ვაქციოთ ისტორიული შემობრუნების წერტილად
  • საქართველოში უნდა ცხოვრობდეს მინიმუმ 7 მილიონი ადამიანი. უნდა დავიბრუნოთ ყველა ქართველი მთელ მსოფლიოში გაბნეული. საქართველოში უნდა იყოს ყველაზე სწრაფად განვითარებადi ეკონომიკა, როგორიც ოდესღაც იყო. საქართველოში უნდა იყოს მომავლის და დაცულობის განცდა. ჩვენ ვეღარ დაგვამარცხებს ვერც დაავადება. ჩვენ შევქმნით ეროვნული ხსნის კომიტეტს კოვიდის წინააღმდეგ, შევქმნით სიტუაციას, როცა დამნაშავეობა ვეღარ გაიჯეჯილებს საქართველოში, კანონის უზენაესობა იქნება, წესრიგი და ჰუმანურობა იქნება, რომ არავინ არ დაიჩაგროს. იქნება დიდი, სწრაფი მოძრაობის განცდა. ის, რაც ჩვენ შევძელით ადრე 8 წელიწადში, ახლა გასაკეთებელი გვაქვს 2 წელიწადში და ორ წელიწადშივე გავაკეთებთ.

    თქვა მიხეილ სააკაშვილმა რუსთავის მაჟორიტარად დავით კირკიტაძის წარდგენისას.
    სააკაშვილი: ის, რაც ჩვენ შევძელით ადრე 8 წელიწადში, ახლა გასაკეთებელი გვაქვს 2 წელიწადში
  • 31 ოქტომბრის შემდეგ ჩვენ დღევანდელ მეტოქეებს, დღევანდელ და გუშინდელ კრიტიკოსებს აუცილებლად უნდა გავუწოდოთ ხელი და ვუთხრათ: დავივიწყოთ წარსული მტრობა, დავივიწყოთ ყველანაირი ბოღმა, დავივიწყოთ ყველაფერი, რაც თქვენ გაგვიკეთეთ ცუდი და მოდით ყველამ ერთად ვიმუშაოთ იმაზე, რომ ქართველი ერი გაერთიანდეს, საქართველოს ერთად ავუშენოთ მომავალი, მიუხედავად ყველაფრისა. ჩვენ ჩვენს თავში ვიპოვით ძალას, ჩვენ გვაქვს გამარჯვების ძალაც, პატიების ძალაც, დამარცხებული მოწინააღმდეგისათვის ხელის გაწოდების ძალაც, და ყველასთან ერთად ახალი საქართველოს აშენებიც ძალაც, ენერგიაც და გამოცდილებაც.

    თქვა მიხეილ სააკაშვილმა რუსთავის მაჟორიტარად დავით კირკიტაძის წარდგენისას.
    სააკაშვილი: 31 ოქტომბრის შემდეგ დღევანდელ მეტოქეებს ხელი უნდა გავუწოდოთ
  • ცვლილებები გარდაუვალია, ცვლილებებია, როგორც წყალი, რომელსაც ვერაფრით ვეღარ გააჩერებ. ვერ გააჩერებ, რაც უნდა მილიონები დააყენო წინ, ვერ გააჩერებ, როცა წყალი წამოსულია. თითოეული ადამიანი არის წვეთი, რომელიც ბოლოში აზვირთდება და ეუბნება ოლიგარქიას, ეუბნება კორუფციას, ეუბნება კრიმინალს - არა! და გავაგონოთ ეს ხმა ზუგდიდიდან, საქართველოს ყველაზე ამაყი ადგილიდან! ივანიშვილს გავაგონოთ - რომელსაც აღარც ყურები აქვს სმენად და აღარც თვალები - მარტო ვარდისფერი სათვალით უყურებს ყველაფერს და ამ სათვალეს გვაჩეჩებს ჩვენ, როგორც სინამდვილეს, ასე აღარ გაგრძელდება...

    ევროპული საქართველოს გენერალური მდივანი, გიგი უგულავა, პარტიის შემაჯამებელ შეხვედრაზე ზუგდიდში
    უგულავა: ივანიშვილს აღარც ყურები აქვს სმენად და აღარც თვალები - ცვლილებები გარდაუვალია!
  • ჩვენ არ ვართ ის გუნდი, რომელიც ბოღმით მოდის - მიუხედავად იმისა, რომ დიდი საფუძველი გვაქვს, ივანიშვილისა და მისი გარემოცვის მიერ ჩვენი ქვეყნისთვის მიყენებული ზიანის გამო. ჩვენ მოვდივართ რწმენით, რომ ეს ქვეყანა, სამეგრელო, ზუგდიდი - შეიძლება იყოს ლიდერი რეგიონის. მაგალითი, როგორ შეიძლება ჭაობიდან სწრაფი ამოსვლა... როგორ შეიძლება უკუსვლის შემდეგ სწრაფად გარდატეხა სიტუაციის, სწორი გეზით, ევროპული გეზით...

    ევროპული საქართველოს პოლიტსაბჭოს თავმჯდომარე, გიგა ბოკერია, პარტიის შემაჯამებელ შეხვედრაზე სიტყვის გამოსვლისას
    ბოკერია: არ მოვდივართ ბოღმით, მოვდივართ რწმენით, რომ ეს ქვეყანა რეგიონის ლიდერი იქნება
  • მოგესალმებით, ჩემო ყველაზე, ყველაზე ევროპელებო. მიუხედავად იმისა, რომ მეც და თქვენც არჩევნების მხოლოდ ნეგატიური გამოცდილება გვაქვს, მე მიყვარს არჩევნები, მიყვარს იმიტომ, რომ, გარდა იმისა, რომ არჩევნები არის ყველაზე სწორი და ლეგიტიმური გზა, შეცვალო უკეთესობისკენ - ეს არის ჩემი და თქვენი ურთიერთობის ყველაზე ინტენსიური გზა, როცა თქვენ მიყვებით, რა გაწუხებთ და რა გინდათ თქვენ. და მე მოგიყვებით, რა უნდათ მარტვილში, აბაშაში, წალენჯიხაში, ჩხოროწყუში - მათ ზუსტად უნდათ ის, რაც უნდათ მთელ საქართველოში და რაც გინდათ თქვენ. თქვენ გინდათ, რომ შევაჩეროთ ფასების ზრდა, სიღარიბე, ლარის გაუფასურება და ამისთვის საჭიროა ცვლილება...

    ევროპული საქართველოს დეპუტატი, ლელა ქებურია, ზუგდიდში პარტიის შემაჯამებელ შეხვედრაზე სიტყვით გამოსვლისას
    ქებურია: ფასების ზრდის, სიღარიბისა და ლარის გაუფასურების შესაჩერებლად საჭიროა ცვლილება