ვერბატიმი

  • [ბიძინა ივანიშვილის] გამოჩენა-არგამოჩენასთან დაკავშირებით მე ვიტყოდი, რომ ხშირად ჩანს ტელევიზიით მიხეილ სააკაშვილი, მაგრამ აქამდე არც ჭკვიანური უთქვამს რამე და არც სასარგებლო საქართველოსთვის.

    უმრავლესობის წევრი გია ვოლსკი კითხვაზე, თუ რატომ არ ჩანს საპრეზიდენტო არჩევნების შემდეგ ბიძინა ივანიშვილი. ვოლსკის ამ კომენტარს სააგენტო ინტერპრესნიუსი ავრცელებს.
    ვოლსკი: ხშირად ჩანს ტელევიზიით სააკაშვილი, მაგრამ ჭკვიანურს და სასარგებლოს არაფერს ამბობს
  • არ გამოვრიცხავ, არ გამოვრიცხავ, მაგრამ ერთს ვიტყვი - ყველა ამბობს, მესამე ძალას ველოდებით, მესამე ძალა უნდა მოვიდეს, მე ორ არჩევნებში ვმონაწილეობდი და მესამეზე არ ვყოფილვარ არასდროს და მესამეობისთვის მითუმეტეს არ ვიბრძვი

    თბილისის მერობის ყოფილმა კანდიდატმა ალეკო ელისაშვილმა თანამოაზრეებთან ერთად, ახალი სამოქალაქო მოძრაობა შექმნა. ტაბულასთან საუბარში მან არ გამორიცხა, რომ მოძრაობა პოლიტიკურ ორგანიზაციად გარდაიქმნას და 2020 წლის არჩევნებში მონაწილეობა მიიღოს.
    ელისაშვილი: არ გამოვრიცხავ, 2020 წლის საპარლამენტო არჩევნებში მონაწილეობა მივიღოთ
  • ჩემთვის არ არსებობს ოპოზიცია და პოზიცია, მე ვარ პარტიების ზემოთ, როგორც ახალი პრეზიდენტი ახალი კონსტიტუციით. კოჰაბიტაცია არ არსებობს, ეს აღარ არის კოჰაბიტაცია. პრეზიდენტი არ არის არავისთან კოჰაბიტაციაში არის, არის აბიტაციაში, შევა თავის სასახლეში და დაიწყებს მუშაობას, როგორც ვთქვი, პირველ რიგში საზოგადოებასთან

    არჩეული პრეზიდენტი სალომე ზურაბიშვილი ოპოზიციასთან შესაძლო კოჰაბიტაციის შესახებ დასმულ კითხვაზე.
    ზურაბიშვილი: მე ვარ პარტიების ზემოთ, პრეზიდენტი კოჰაბიტაციაში არავისთანაა, არის აბიტაციაში
  • უნდა ვიფიქრო ამ თემაზე, გეტყვით, ხვალ გეტყვით. თუ ინაუგურაციამდე აღიარებული ვიქნები, როგორც პრეზიდენტი, იქნება დაპატიჟებული.

    ინაუგურაციაზე დავპატიჟე კოლეგები იმ დროიდან, ჩემი პირველი ცხოვრებიდან, რამოდენიმე კოლეგა და იმედი მაქვს, რომ იქნებიან, მაგრამ ჯერ არ ვიცი პასუხი და ვერ გეტყვით, საკმაოდ მოკლე ვადებია და ახლო იქაურ შობასთან, ამიტომ ეს ყველაფერი ცოტა ისე ჯდება

    არჩეული პრეზიდენტი სალომე ზურაბიშვილი კითხვაზე, დაპატიჟებს თუ არა ინაუგურაციაზე მეორე ტურში დამარცხებულ ოპონენტს გრიგოლ ვაშაძეს.
    ზურაბიშვილი გრიგოლ ვაშაძეზე: თუ პრეზიდენტად მაღიარებს, ინაუგურაციაზე დავპატიჟებ
  • 2008 წლიდან მოყოლებული, რუსეთი კვლავ აგრესიულად ახდენს ჩვენი ქვეყნის მეხუთედის ოკუპაციას. ჩვენ კვლავ გვჭირდება დასავლეთის ურყევი მხარდაჭერა ტერიტორიული მთლიანობის დიპლომატიის გზით აღსადგენად. როდესაც 1970 წელს დიპლომატი გავხდი, ჯერ კიდევ მიმდინარეობდა ცივი ომი. მე ვხედავ, რომ დღესაც იგივე ბრძოლა გრძელდება. რუსეთი დეზინფორმაციას ავრცელებს და განხეთქილებას თესავს. როგორც ქვეყნის პირველი პრეზიდენტი ევროპული ფესვებით, მე გავაგრძელებ დასავლური ღირებულებების დაცვას ჩვენი ჩრდილოელი მეზობლის მხრიდან დესტაბილიზაციისაკენ მიმართული გავლენებისაგან. მე გავაგრძელებ ბრძოლას დემოკრატიისათვის, რათა ამ ქვეყანას ტოტალიტარული წარსულის ნარჩენები მოვაშორო. მე დავიცავ ჩემს ქვეყანას და მის ლიბერალურ ღირებულებებს. როდესაც პოსტს დავიკავებ 17 დეკემბერს, ჩემი მიზანი იქნება პარტიულ პოლიტიკაზე ზემოთ ქართველი ხალხი წარმოვადგინო, რასაც ჩვენი ახალი კონსტიტუცია მოითხოვს პრეზიდენტისაგან.

    წერს საქართველოს არჩეული პრეზიდენტი, სალომე ზურაბიშვილი Financial Times-ზე გამოქვეყნებულ სტატიაში.
    ზურაბიშვილი: ვიბრძოლებ დემოკრატიისათვის, ტოტალიტარული წარსულის ნარჩენების მოსაშორებლად
  • საქართველოს უფრო მიმზიდველს გავხდი - ქართველებისთვისაც და არა-ქართველებისთვისაც. ბევრი ახალგაზრდა მიჰყვება განათლებას და შემდეგ საქმდება საქართველოს გარეთ. მე ჩემს ჯგუფთან ერთად შევეცდები შევაჩერო ეს დინება და წავახალისო ინიციატივები ახალგაზრდობასა და სახელმწიფოს შორის კავშირის გასაღრმავებლად. ჩვენ სახელმწიფო დაფინანსებას გამოვიყენებთ, რათა ხელი შევუწყოთ საზღვარგარეთ განათლება მიღებული ახალგაზრდების ღირსეულ დაბრუნებას, რათა მათ ჩამოიტანონ თავიანთი ცოდნა და ჩაერთონ სახელმწიფოს მშენებლობაში. ჩემი ლიდერობით მჯერა, რომ საქართველო წარმატებას მიაღწევს როგორც ძლიერი, დემოკრატიული ქვეყანა პროგრესული, დასავლური ღირებულებებით. ჩვენ კვლავ ვიქნებით შუქურა რეგიონში. ჩვენ ვიღწვით იმის საჩვენებლად, რომ ევროპულ დემოკრატიულ ღირებულებებს კავკასიაში სახლი აქვს. ევროპული აღზრდის მქონე ქალი პრეზიდენტის არჩევით ქვეყანამ დემოკრატიას, ტოლერანტობას და სტაბილურობას მისცა ხმა. საქართველო ევროპის ლიბერალური იმედია.

    წერს საქართველოს არჩეული პრეზიდენტი, სალომე ზურაბიშვილი Financial Times-ზე გამოქვეყნებულ სტატიაში.
    ზურაბიშვილი: საქართველოს უფრო მიმზიდველს გავხდი ქართველებისთვის და არაქართველებისთვის
  • მწარე წინასაარჩევნო კამპანიის დროს ჩემმა ოპონენტმა, მოსკოვში განათლება მიღებულმა ყოფილმა საბჭოთა დიპლომატმა, სცადა ჩირქი მოეცხო ყველაფრისთვის, რასაც წარმოვადგენ, მათ შორის ჩემი პატრიოტიზმის და პრო-დასავლურობისთვის. ახლა ჩემზეა, რომ გავაერთიანო ეს ქვეყანა. მე შევეცდები დავაცხრო პარტიული დაყოფა და სხვა დაძაბულობა ხალხში და გავაუმჯობესო ჩვენი დემოკრატიული პროგრესი. მადლიერი ვარ მათი, ვინც ხმა მომცა. მადლიერი ვარ იმათიც, ვინც ხმა არ მომცა, რადგან დემოკრატიულ პროცესში მიიღეს მონაწილეობა. პირობას ვდებ, რომ ვიქნები საქართველოს დემოკრატიული განვითარების, ინდივიდის თავისუფლების და კანონის უზენაესობის გარანტი. ყოფილი პრეზიდენტი, მიხეილ სააკაშვილი მმართველობისას უფრო ავტორიტარული გახდა. მე გამოვიყენებ ჩემთვის მონიჭებულ ყველა ძალას, რათა საქართველომ შეინარჩუნოს დემოკრატიული კურსი და არ დაუშვას, რომ ვინმეს მხრიდან ჩვენი თავისუფლებით სპეკულაცია. ამ არჩევნებმა აჩვენა კიდევ ერთი ნახტომი საქართველოსათვის. მაგრამ კამპანიის ხარვეზები გვახსენებს, რომ პროგრესი კვლავ საჭიროა, რათა მივაღწიოთ ჩვენს მიზანს და გავხდეთ ევროპული დემოკრატია.

    წერს საქართველოს არჩეული პრეზიდენტი, სალომე ზურაბიშვილი Financial Times-ზე გამოქვეყნებულ სტატიაში.
    ზურაბიშვილი: ყოფილმა საბჭოთა დიპლომატმა სცადა ჩირქი მოეცხო ყველაფრისთვის რასაც წარმოვადგენ
  • რამდენადაც ვიცი, ბრძანებულებით იყო განსაზღვრული, რომ პარლამენტის ეზოში ყოფილიყო ინაუგურაცია და ახლა წვალობენ, რომ ის გააუქმონ და ახალი ბრძანებულება გამოსცენ. სალომე ზურაბიშვილთან სულ რაღაც წვალება და ჯახირია დაკავშირებული და დარწმუნებული ვარ, რომ კიდევ უარესი თავსატეხი იქნება მისი პრეზიდენტობა. გულახდილად რომ გითხრათ, ის რომ, მსგავსი ღონისძიებები რეგიონულ ქალაქში ტარდება, კარგია, ვინაიდან ყველას დაგვავიწყდა, რომ თბილისის გარდა დანარჩენი საქართველო არსებობს. მე პირადად ამაში ტრაგიკულს ვერაფერს ვხედავ. პირიქით, კარგია, თუ მთელი მსოფლიო ნახავს, რომ ასეთი არაჩვეულებრივი ქალაქიც გვაქვს. ეს არ არის ცუდი, რომ თელავმა მეტი დამსახურებული ყურადღება მიიპყროს, მითუმეტეს, რომ სალომე ზურაბიშვილისგან სხვა ხეირი მეტი არ გვექნება. იმის გამო, რომ ზურაბიშვილისგან მეტს არაფერს კარგს არ ველოდები, თელავს მაინც გავუთქვათ სახელი

    ასე გამოეხმაურა ალეკო ელისაშვილი სალომე ზურაბიშვილის ინაუგურაციის თელავში ჩატარების შესახებ მიღებულ გადაწყვეტილებას
    ელისაშვილი ინაუგურაციაზე: თელავს გავუთქვათ სახელი, ზურაბიშვილისგან სხვა ხეირი არ გვექნება
  • ჩვენ მოვიტანეთ მისი უწმინდესობის და უნეტარესობის კათალიკოს-პატრიარქ ილია მეორის სამძიმრის წერილი. დავლოცეთ მისი სული და ვლოცულობთ მისი სულის შეწყალებისთვის. ღმერთმა აცხონოს და გაანათლოს. ის იყო ადამიანი, რომელიც ალბათ სადაც არ უნდა წასულიყო ყველგან დიდი წარმატებას მიაღწევდა.

    პატრიარრქის მოსაყდრე მეუფე შიო ნიკა რურუას პანაშვიდზე მივიდა. პოლიტიკოსი ნიკა რურუა 50 წლის ასაკში გარდაიცვალა.
    მეუფე შიო: ნიკა რურუა სადაც არ უნდა წასულიყო, ყველგან დიდ წარმატებას მიაღწევდა
  • იმ ადგილის ამორჩევა, სადაც ნაკლებმა ადამიანმა მომცა ხმა იმის სიმბოლური დასტურია, რომ მე ვარ ყველას პრეზიდენტი. არავისზე არ ვარ გაბუტული, თუნდაც არ მომცეს ხმა. ვთვლი, რომ ინაუგურაციის რეგიონში ჩატარება არის ძალიან სწორი. ქვეყანაში, პრინციპში ყველაფერი ტარდება თბილისში და ეს სწორი არ არის. ეს არის გზავნილი არა მხოლოდ თელავის იმ ამომრჩევლისთვის, რომლებმაც არ მომცეს ხმა, ეს არის გზავნილი მთელი იმ საზოგადოებისთვის, რომელმაც თავი შეიკავა ჩემთვის ხმის მიცემისგან და სხვადასხვა პარტიას დაუჭირა მხარი, რომ მე მათი პრეზიდენტიც ვიქნები. ამისთვის მზად ვარ და ეს არის ამის მაჩვენებელი.

    ამბობს საქართველოს არჩეული პრეზიდენტი სალომე ზურაბიშვილი. ცნობისთვის, ზურაბიშვილის ინაუგურაცია თელავში გაიმართება.
    ზურაბიშვილი ინაუგურაციაზე: ყველაფერი ტარდება თბილისში და ეს სწორი არ არის
  • საერთოდ, დემოკრატიის პირველი წესი არის, რომ როცა წააგებ არჩევნებში, ვინც არ უნდა იყოს, აღიარებული იყოს, არჩეული, გინდაც, პრეზიდენტი, გინდაც დეპუტატი, ეს არის დემოკრატია, როცა წაგებას ეგუები და ვიწყებთ ახალი ფურცლიდან. მე მზად ვარ, რომ დაივიწყო ახალი ფურცლიდან და ყველას მოვუწოდებ, რომ დავიწყოთ ერთად

    არჩეული პრეზიდენტი, სალომე ზურაბიშვილი პასუხობს ჟურნალისტების კითხვას ოპოზიციის განცხადებების შესახებ, სადაც მის ლეგიტიმაციას კითხვის ნიშნის ქვეშ აყენებენ.
    ზურაბიშვილი ოპოზიციას: მზად ვარ დაივიწყო ახალი ფურცლიდან, ყველას მოვუწოდებ - დავიწყოთ ერთად
  • კომისია არის შექმნილი და მოსამზადებელ ეტაპზე არის პასუხისმგებელი. კომისიაში შედის ყველა ის უწყება, რომელიც დაკავშირებულია ინაუგურაციასთან. ასევე, ალბათ დღეიდან დაიწყება სცენარებზე მუშაობა, რომელიც მე უნდა გამაცნონ დღეს ან ხვალ, სცენარების რა ვარიანტები არსებობს. მომხრე ვარ, რაც შეიძლება სადა სცენარის, რასაც მე ვთვლი ევროპულ ფორმად. არ მინახავს არც ერთი სცენარი. ალბათ არის სხვადასხვა ვარიანტი

    საზოგადოებრივი მაუწყებლის ინფორმაციით, ამბობს საქართველოს არჩეული პრეზიდენტი სალომე ზურაბიშვილი. ცნობისთვის, ზურაბიშვილის ინაუგურაცია თელავში გაიმართება.
    ზურაბიშვილი ინაუგურაციაზე: მომხრე ვარ, სადა სცენარის, რასაც მე ვთვლი ევროპულ ფორმად
  • მე ნიკოლოზს ვიცნობ არაერთი ათეული წელია, ახალგაზრდობიდან. ძალიან გული დამწყდა მისი წასვლის გამო. ჩვენი ცხოვრების გზები გაიყარა, პოლიტიკურადაც სხვადასხვა გუნდში აღმოვჩნდით, მაგრამ როდესაც ადამიანი მიდის, პოლიტიკური აზრთა სხვადასხვაობა აქტუალობას კარგავს. ამიტომ მინდა მთელი გულით მივუსამძიმრო მის ოჯახს, ახლობლებს და მეგობრებს. ძალიან გულდასაწყვეტია, რომ ამ ასაკში წავიდა ამქვეყნიდან

    საქართველოს ყოფილი პრემიერმინისტრი გიორგი კვირიკაშვილი მწუხარებას გამოთქვამს ნიკა რურუას გარდაცვალების გამო. პოლიტიკოსი 4 დეკემბერს, შსს-ის პირველადი ინფორმაციით, ოჯახის წევრების თანდასწრებით, სავარაუდოდ, გულის შეტევით გარდაიცვალა. მას 6 დეკემბერს დაკრძალავენ.
    კვირიკაშვილი რურუაზე: როცა ადამიანი მიდის, პოლიტიკური აზრთა სხვაობა აქტუალობას კარგავს
  • მინდა გამოვიდე იდეით და არასაპარლამენტო პარტიებს მოვუწოდო, რვიანი აღვადგინოთ. ეს იყოს არა ბლოკი და კოალიცია, არამედ პარტიებს შორის თანამშრომლობის ფორმატი, რომელიც წინა ხელისუფლების დროს არსებობდა და რომელიც საარჩევნო კანონმდებლობის შეცვლას ითხოვდა. მიმაჩნია, რომ თუ ამ რვიანში არასაპარლამენტო პარტიები გაერთიანდებიან, ამ მოთხოვნებს უფრო მეტი ლეგიტიმაცია და ძალა ექნება.

    უკვე ეს ორპოლუსიანი დაპირისპირება ჩიხია და ქვეყანას მესამე, ჯანსაღი ცენტრის გაჩენა სჭირდება, რომელიც პოლიტიკურ პროცესში კონსტრუქციული ელემენტის შემომტანი იქნება.

    ვფიქრობ, უახლოეს დღეებში გარკვეული ჯგუფი შეიკრიბება, რვიანი იმ პოლიტიკური ძალებისა, რომლებიც არც ერთ ბანაკში არიან და არც მეორეში. შესაძლოა, პირველ ეტაპზე, ეს ძალიან დიდი ჯგუფი არ იყოს. ვაპირებ, ამ ფორმატში მოვიწვიო ყველა პარტია, გარდა "ნაციონალური მოძრაობისა" და "ქართული ოცნებისა". ვინ მოვა და ვინ არა, ნამდვილად არ ვიცი, რადგან გულთმისანი არ ვარ

    "თავისუფალი საქართველოს" ლიდერი, კახა კუკავა პირველი არხის გადაცემაში "მოამბე-დღის თემა"
    კუკავა: მინდა გამოვიდე იდეით და არასაპარლამენტო პარტიებს მოვუწოდო, რვიანი აღვადგინოთ
  • ეს არის ერთგვარი აკვიატება, რომ სალომე ზურაბიშვილი იყო დამოუკიდებელი, როდესაც პირველი ტურის წინაც მთელი რესურსი იყო "ქართული ოცნების" ხელისუფლების და მეორე ტურის დროს გადადგეს სალომე გვერდით და გამოჩნდა ბიძინა, ალიბაბა და ოთხი ყაჩაღი. ამ ვითარებაში სალომე არ არის მთავარი ადრესატი. სალომე თანამონაწილეა, მან თავი გამოაყენებინა, პასუხისმგებელი ისიც არის, მაგრამ სხვები უფრო არიან. საქართველოში ხელისუფლება როდესაც მოდის და პირველ ხანებში მას აქვს რეიტინგი, ის არ აყალბებს აჩევნებს, მაგრამ როგორც კი მას პრობლემები ექმნება, ის იწყებს არჩევნების გაყალბებას, წნეხს და ა.შ.

    "რესპუბლიკური პარტიის" ერთ-ერთი ლიდერი დავით ბერძენიშვილი "პალიტრანიუსის" გადაცემაში "360 გრადუსი"
    ბერძენიშვილი: II ტურის დროს გადადგეს სალომე და გამოჩნდა ბიძინა, ალიბაბა და 4 ყაჩაღი
  • მან მაჩვენა, რას ნიშნავს, იყო პრეზიდენტი, რომელიც მსახურებს პატიოსნად, უძღვება სიმამაცით და მოქმედებს ამ ქვეყნის მოქალაქეების სიყვარულით სავსე გულით.

    ისტორიის წიგნებში იტყვიან, რომ ჯორჯ ჰერბერტ უოკერ ბუში იყო ამერიკის შეერთებული შტატების დიდი პრეზიდენტი.

    ამერიკის ყოფილი პრეზიდენტი ჯორჯ ბუშ უმცროსი, მამას, ასევე ყოფილ პრეზიდენტს ამ სიტყვებით ემშვიდობება.
    ჯორჯ ბუშ უმცროსი მამა ბუშზე: მან მაჩვენა, რას ნიშნავს იყო პრეზიდენტი
  • მე უფრო ვფიქრობ, რომ ის აქ არ ჩამოვა იმიტომ, რომ ტრაპზევე დააპატიმრებენ. საერთოდ, დახურული სივრცე მისთვის არ არის კომფორტული. ორი დღე იჯდა (ისე ვიტყვი, როგორც გასაგებია მოსახლეობის დიდი ნაწილისთვის) კაპეზეში, უკრაინაში, წინასწარი დაკავების საკანში და პოროშენკოს მისწერა შემრიგებლური წერილი, რბილად რომ ვთქვათ და შეცდომების აღიარების [წერილი]. მე არ ვფიქრობ, რომ ის აქ ჩამოვა ციხეში ჩასაჯდომად. რომც ჩამოვიდეს, შეიძლება მე ვცდები, მე ფსონს კი არ ჩამოვდივარ, ჩემთვის ეს მთავარი კი არაა, მისი ჩამოსვლაც აქ ვერ შეცვლის რეალურად არსებითად სურათს. მე მსურს განვითარება წავიდეს უფრო დიალოგისკენ და არა ორი პოლუსისკენ.

    რესპუბლიკური პარტიის ერთ-ერთი ლიდერი პალიტრანიუსის გადაცემაში "360 გრადუსი" სააკაშვილის შესაძლო ჩამოსვლაზე მსჯელობდა.
    ბერძენიშვილი: ვფიქრობ სააკაშვილი არ ჩამოვა, მისთვის დახურული სივრცე კომფორტული არაა
  • ეს იქნება ჩემთვის უდიდესი პატივი და ძალიან დიდი პასუხისმგებლობა, რომ გავაკეთო პრეზიდენტის ინაუგურაცია და მადლიერი ვარ, რომ შემოქმედებით ჯგუფში მეც ვარ. ვფიქრობ, ეს უნდა იყოს ღირსეული, დახვეწილი, გემოვნებიანი, ქართულიც და ევროპულიც ამავდროულად. თუმცა საქართველო ყოველთვის ევროპის ნაწილად მიმაჩნდა და ამას მტკიცება არ სჭირდება და ჩემს ყველა შესაძლებლობას გამოვიყენებ და დიდი სიყვარულით, მოწიწებით და პატივისცემით, ვეცდები, კარგი ინაუგურაცია გამოვიდეს. შემოქმედებით ჯგუფში არის მხატვარი თამარ ფოცხიშვილი, რეჟისორი ნიკოლოზ შველიძე. ძალიან დიდი ჯგუფი არის, რომელიც იმუშავებს, რადგან ბევრ ღონისძიებას მოიცავს და რთული გასაკეთებელია. ცალ-ცალკე სცენარები არ განიხილება, სხვადასხვა ღონისძიებაზე მიმდინარეობს მუშაობა. დღეს მივიღეთ ოფიციალური დასტური და დღეს დავიწყებთ მუშაობას. 

    სალომე ზურაბიშვილის ინაუგურაციის რეჟისორი ბასა ფოცხიშვილი იქნება. მთავრობის ადმინისტრაციაში პრეზიდენტის ინაუგურაციის მოსამზადებლად სამუშაო ჯგუფი შეიქმნება. მთავრობის ადმინისტრაციის ხელმძღვანელის, კახა კახიშვილის თქმით, სამუშაო ჯგუფი შეიმუშავებს წესებს, რომლის მიხედვითაც განისაზღვრება ინაუგურაციის...
    ფოცხიშვილი ინაუგურაციაზე: ცერემონია უნდა იყოს ქართულიც და ამავდროულად ევროპულიც
  • იყო რამდენიმე სცენარი. ჩემი წინადადება იყო თელავი იმიტომ, რომ მთელი ჩემი საარჩევნო კამპანია იყო ამ თემაზე, რომ ჩვენ რეგიონები უნდა ამოვწიოთ, რომ ისინი უნდა განვითარდეს, რომ რეგიონების გარეშე საქართველოს განვითარდება არ იქნება. ვთვლი, რომ ძალიან სწორი არჩევანია თელავი. მეორე მიზეზი, რატომაც მე ავირჩიე თელავი არის ის, რომ თელავმა არ მომცა ხმა. ეს არის ერთ-ერთი წაგებული ადგილი და მინდა, რომ ამით ვაჩვენო, რომ ვარ ყველას პრეზიდენტი, თუნდაც იმ ადამიანების, რომლებმაც ხმა არ მომცეს

    სალომე ზურაბიშვილმა მედიასთან ის მიზეზები განმარტა, რატომ აირჩია ინაუგურაციის ადგილას თელავი
    ზურაბიშვილი: თელავმა არ ამირჩია, ინაუგურაციით ვაჩვენებ, რომ ყველას პრეზიდენტი ვარ
  • ჩვენი "თავისუფალი დემოკრატების" პოზიცია შემდეგში მდგომარეობს, რა თქმა უნდა, ძალიან ცუდი არჩევნები ჩატარდა. ეს იყო უკან გადადგმული ნაბიჯი არჩევნების დემოკრატიულობის თვალსაზრისით. მეტად ნეგატიური შეფასებები მივიღეთ საერთაშორისო ორგანიზაციებისა და მეგობარი ქვეყნების მხრიდანაც. ძირითადი ოპოზიციური პოლიტიკური ძალა, გაერთიანებული ოპოზიცია, სადაც ნაციონალური მოძრაობა დომინირებს, აყენებს საკითხს, რომ შექმნილ ვითარებაში საჭიროა ვადამდელი საპარლამენტო არჩევნების დანიშვნა პროპორციული საარჩევნო წესით.

    ჩვენ მივიჩნევთ, რომ ვადამდელი საპარლამენტო არჩევნები არ იქნება სასარგებლო ჩვენი ქვეყნისთვის, ვინაიდან, ვადამდელი არჩვნების შემთხვევაში, ჩვენ კვლავ დავტოვებთ ამომრჩეველს ამ ორ პოლიტიკურ პოლუსს შორის არჩევანის გაკეთების წინაშე, მაშინ როდესაც სახეზეა ახალი პოლიტიკური გაერთიანების სულ ურო მზარდი მოთხოვნა.

    IPN-ის ცნობით, თქვა თავისუფალი დემოკრატების ერთ-ერთმა ლიდერმა შალვა შავგულიძემ დღეს გამართულ პრესკონფერენციაზე.
    შავგულიძე: ვადამდელი საპარლამენტო არჩევნები არ იქნება სასარგებლო ქვეყნისთვის
  • ყველა ოპოზიციური პარტია სამ მოთხოვნას უჭერს მხარს - ეს არის ვადამდელი საპარლამენტო არჩევნები, საარჩევნო კომისიების დაკომპლექტების წესების ძირეული, ფუნდამენტური, სამართლიანობისკენ მიმავალი ცვლა დაწყებული ცენტრალური საარჩევნო კომისიიდან საუბნო კომისიამდე და პროპორციულ სისტემაზე გადასვლა.

    იმიტომ, რომ საქართველო ამ პირობებში ვერც პოლიტიკურად იარსებებს და ვერც ეკონომიკურად. რაც ჩვენთვის ყველაზე დიდი უბედურებაა, ყველა მომდევნო არჩევნები დღევანდელი ე.წ. ხელისუფლების პირობებში იმ უმსგავსობას ემსგავსება, რაც მეორე ტურში მოხდა.

    მოვემზადოთ ოპოზიცია და მუდმივ პრესინგში ვამყოფოთ ხელისუფლება ჩვენ მოქალაქეებთნ ერთად, იმიტომ, რომ ეს ოპოზიციის მოთხოვნა კი არ არის, ეს არის მოქალაქეების მოთხოვნა, რომელსაც, მაპატიეთ, თბილისურად გეტყვით, ყელში ამოუვიდათ სიღარიბეში ცხოვრება, სანამ ესენი ერთი ინჰალაციიდან მეორეზე მიდიან. ამ ადამიანებს ასე ცხოვრება აღარ უნდათ. როდესაც 700 მილიონია გამქრალი ინფრასტრუქტურის სამინისტროდანო, „ქართული ოცნების“ მამამთავარმა ბრძანა ინტერვიუში. ინფრასტრუქტურულ პროექტებზე 900 მილიონია წელს დაუხარჯავი. ეს ყველაფერი ეკონიმიკას აჩერებს. მოქალაქეს ასე ცხოვრება აღარ უნდა. მოქალაქეს პროფესიული მთავრობა სჭირდება და არა მთავრობა, რომელიც შერჩეულია ბიძაშვილ-მამიდაშვილობით და ნათესაობით.

    ამბობს გაერთიანებული ოპოზიციის პრეზიდენტობის ყოფილი კანდიდატი გრიგოლ ვაშაძე.
    ვაშაძე: თბილისურად გეტყვით, მოქალაქეებს ყელში ამოუვიდათ სიღარიბეში ცხოვრება
  • თელავი ძალიან მომწონს და მიყვარს, თუმცა მხარს მცხეთას უფრო დავუჭერდი. ეს უფრო კარგი იქნებოდა, რადგან ძველი სატახტო ქალაქია და გარკვეულ კუთხესთან მიკერძოებას არ იწვევს, თელავი კი ერეკლე მეფის სასახლეა

    1TV ინფორმაციით საპარლამენტო უმრავლესობის წევრი ნუკრი ქანთარია. არჩეული პრეზიდენტის სალომე ზურაბიშვილის ინაუგურაცია თელავში გაიმართება.
    ქანთარია ინაუგურაციაზე: თელავი ძალიან მომწონს, თუმცა მხარს მცხეთას უფრო დავუჭერდი
  • არაფერი პრობლემა არ გვაქვს. ინაუგურაცია თუ უნდათ ჩაატარონ თბილისში, თუ უნდათ ზუგდიდში, სადაც უნდათ იქ ჩაატარონ. არავინ აპირებდა მათი ე.წ. ინაუგურაციის ჩაშლას. არ შეიძლება როდესაც ქვეყანას არ ჰყავს კანონიერად არჩეული პრეზიდენტი, ჩაატარო ინაუგურაცია. ამიტომ, ეს შოუ სადაც უნდა იქ ჩაატარონ

    IPN-ს ინფორმაციით ამბობს გაერთიანებული ოპოზიციის პრეზიდენტობის ყოფილი კანდიდატი გრიგოლ ვაშაძე.  არჩეული პრეზიდენტის სალომე ზურაბიშვილის ინაუგურაცია თელავში გაიმართება.
    ვაშაძე: ე.წ. ინაუგურაციის ჩაშლას არავინ აპირებდა, სადაც უნდათ იქ ჩაატარონ ეს შოუ
  • ალბათ, ესეც შავ სიაში იყო და ჩამოეწერა ვალი

    პოლიტოლოგი გია ხუხაშვილი სალომე ზურაბიშვილის ინტერვიუზე. არჩეულმა პრეზიდენტმა Daily Beast-თან თქვა - "არჩევნების შემდეგ ივანიშვილი ვნახე. მან მითხრა, არ ხარ ვალში მმართველ პარტიასთან, შეგიძლია იყო დამოუკიდებელი".
    ხუხაშვილი ზურაბიშვილზე: ალბათ, ესეც შავ სიაში იყო და ჩამოეწერა ვალი
  • არჩევნების შემდეგ ივანიშვილი ვნახე. მან მითხრა, არ ხარ ვალში მმართველ პარტიასთან, შეგიძლია იყო დამოუკიდებელი.

    სალომე ზურაბიშვილმა Daily Beast-თან ისაუბრა.
    ზურაბიშვილი: ივანიშვილმა მითხრა, არ ხარ ვალში "ოცნებასთან", შეგიძლია იყო დამოუკიდებელი
  • შეშის ღუმელები მოვიტანეთ, სავსეა კარავი შეშით. მერე მოვიდა პატრულის უფროსი და გვითხრა, დენს გამოგიყვანენ, ესენი არ დადგათო. მან ადამიანური თვალით შემოგვხედა. მადლობას გადავუხდი კახა კალაძეს და იმ ადამიანს, გოგა მემანიშვილს, რომელიც არის აქ საპატრულოს უფროსი, ვინც იცავს ჩვენს უსაფრთხოებას. ეს ადამიანი რომ არ ყოფილიყო, არც დენი იქნებოდა და არც არაფერი. მან დაამყარა კომუნიკაცია თავის უფროსებთან, როგორც ჩანს, მერიასთან მივიდა ეს ჩვენი პირობა და დენი გამოგვიყვანეს.

    საზოგადოებრივი მაუწყებლის ცნობით, თქვა ზაზა სარალიძემ. შეგახსენებთ, რომ პარლამენტის წინ მიმდინარე აქციაზე გაშლილ კარვებში თბილისის მერიის კეთილმოწყობის სამსახური ელექტროენერგიის მონტაჟს დაიწყებს. მიზეზი აქციის მონაწილეებისთვის უწყვეტი ელეტროენერგიის მიწოდებაა.
    სარალიძე: მადლობა კალაძეს და საპატრულოს უფროსს, ეს ადამიანი რომ არა დენი არ გვექნებოდა
  • არჩევნები არ გამოხატავდა თავისუფალ ნებას. საქართველოს პრეზიდენტს, რომელსაც ერქმევა სალომე ზურაბიშვილი, არ ექნება დემოკრატიული მანდატი და მისი არჩევა არ მომხდარა ხალხის თავისუფალი ნების გამოხატვის შედეგად. ეს არის ძალიან მძიმე შეფასება, არჩევნების შეფასების თვალსაზრისით და ეს არის კორექტული შეფასება, სწორედ ეს და არა ის, აღიარებ თუ არ აღიარება.

    თქვა "ევროპული საქართველოს" ლიდერმა, დავით ბაქრაძემ "პალიტრანიუსის" გადაცემაში "360 გრადუსი".
    ბაქრაძე: ზურაბიშვილის არჩევა ხალხის თავისუფალი ნების გამოხატვის შედეგად არ მომხდარა
  • ჩვენ ჩავდივართ თვითმკვლელობას, მგლის შიშით ცხვრის გაწყვეტა დავიწყეთ, სააკაშვილის მობრუნების შიშით, ჩვენ ქვეყნის განვითარებაზე ვამბობთ უკვე უარს. მართლა ასე მხდალია ქართველი ერი, რომ თემურლენგის არ შეშინებია და სააკაშვილზეა ლაპარაკი.

    თქვა ქართული ოცნების ყოფილმა დეპუტატმა გუბაზ სანიკიძემ გადაცემა "რეაქციაში".
    სანიკიძე: სააკაშვილის მობრუნების შიშით, ქვეყნის განვითარებაზე ვამბობთ უკვე უარს
  • ნიკა ჩემი მეგობარი იყო. ძალიან ძლიერი ადამიანი, რომელთან ურთიერთობაც ყოველთვის, ყველა ეტაპზე საინტერესო იყო. ნიკა იყო ბევრ კულტურის მინისტრს შორის გამორჩეული კულტურის მინისტრი

    საქართველოს პრეზიდენტი გიორგი მარგველაშვილი მწუხარებას გამოთქვამს ნიკა რურუას გარდაცვალების გამო. პოლიტიკოსი ნიკა რურუა დღეს, 50 წლის ასაკში გარდაიცვალა.
    მარგველაშვილი რურუაზე: ნიკასთან ურთიერთობა ყოველთვის, ყველა ეტაპზე საინტერესო იყო
  • ეს ჯერ ახალი ამბავია. კონსულტაციები ძალიან ბევრ ადამიანთან მიმდინარეობს. თქვენ ნახავთ, რომ აქ ძალიან ბევრი ადამიანი შემოვა და გავა. ცოტა დრო მომეცით. დამეთანხმებით, ძალიან მნიშვნელოვანია, კარგად შევარჩიოთ ადამიანები, რომლებიც იქნებიან ადმინისტრაციაში. ასე რომ, ზედმეტი აჩქარება არ მინდა

    საზოგადოებრივი მაუწყებლის ინფორმაციით, ამბობს საქართველოს არჩეული პრეზიდენტის, სალომე ზურაბიშვილი. მისი ცნოთ, უახლოეს დღეებში დასრულდება და გახდება ცნობილი პრეზიდენტის ადმინისტრაციის დაკომპლექტების დეტალები.
    ზურაბიშვილი: მნიშვნელოვანია კარგად შეირჩეს ადამიანები, რომლებიც იქნებიან ადმინისტრაციაში