რა ხდება, როდესაც ოლიმპიადა მთავრდება - ოლიმპიური სოფლების ნაწილი მიტოვებულია

რიო 2016 დღეს გაიხსნება. ბრაზილიის მთავრობა პროექტის განხორციელებაზე მილიარდობით დოლარს ხარჯავს. ივლისში გაკეთებული შეფასებებით, ოლიმპიადა წინასწარ დაგეგმილზე 52%-ით ძვირი - $4.6 მილიარდი ჯდება. ბრაზილიას შემუშავებული აქვს გეგმა თუ როგორ უნდა აითვისოს ქალაქმა ოლიმპიური სოფელი და სპორტული ნაგებობები. ოლიმპიური სოფელი რიო-დე-ჟანეიროს ახალ პრესტიჟულ უბნად, სპორტული დაწესებულებები კი, ბრაზილიის ნაკრების საწვრთნელ ბაზად უნდა იქცეს. თუმცა ამ მიზნის მიღწევა საკმაოდ რთულია და ოლიმპიადის დასრულების შემდეგ ოლიმპიური "მეგასტრუქტურები" ხშირად მიტოვებული რჩება. ამის თვალსაჩინო მაგალითები ათენის, პეკინის და ატლანტის ოლიმპიადებია. გააგრძელებს თუ არა რიო ამ ოლიმპიადების "გზას", მომავალი გვიჩვენებს.

ამორტიზებული და მიტოვებული ოლიმპიური ნაგებობები

ათენი 2004

• საბერძნეთმა ოლიმპიადაზე კოლოსალური რესურსები, $11 მილიარდი დოლარი დახარჯა, დღეს ოლიმპიური სოფელი სრულად ამორტიზებულია

• საბერძნეთმა ყველა სპორტის სახეობისთვის ცალკე ნაგებობები ააგო, მათ შორის ბალახის ჰოკეის, სოფტბოლის და ბეისბოლის სტადიონებიც, რომლებიც ოლიმპიადის შემდეგ არავის გამოუყენებია.

ატლანტა 1996

• ჯორჯიის შტატმა ნაგებობების ნაწილს გამოყენება ვერ მოუძებნა, ამიტომაც მათი დემონტაჟი განახორციელა

პეკინი 2008

• სტადიონი "ჩიტის ბუდე" ოლიმპიადის შემდეგ

• ხელბურთის სტადიონი სხვა სტადიონების მსგავსად დაკეტილი და შემოღობილია

• კაიაკების შეჯიბრისთვის აგებული აუზები დღეს ცარიელია

სარაევო 1984

• ოლიმპიური პედესტალი

• მაშინდელი იუგოსლავიის მთავრობა ზამთრის ტურიზმის განვითარებაზე დიდ იმედებს ამყარებდა, თუმცა მწვავე ეკონომიკური კრიზისის, იუგოსლავიის დაშლის და ბოსნიაში არსებული სამოქალაქო ომის გამო ოლიმპიადა მომგებიანი ინვესტიცია არ აღმოჩნდა.

• მიტოვებული სასტუმრო Mount Igman

• დაკეტილი ოლიმპიური ტრამპლინი

ბერლინი 1936

• ოლიმპიადიდან 3 წელიწადში მეორე მსოფლიო ომი დაიწყო, რის გამოც მთელი ბერლინი და მათ შორის ოლიმპიური სოფელიც დაიბომბა

• ომის პერიოდში ოლიმპიურ სოფელში ლაზარეთი იყო მოწყობილი