ვაჭრობა საქართველოს ეკონომიკის ერთ-ერთი ყველაზე მნიშვნელოვანი ნაწილია, მასზე ეკონომიკის 12% მოდის. საქსტატმა საქართველოს ბაზრებისა და ბაზრობების დეტალური კვლევა ჩაატარა. კვლევის მიხედვით, ქვეყანაში 218 ბაზარია, მათში ყოველდღიურად 46 ათასი ადამიანი მუშაობს. ბაზრებისა და ბაზრობების საერთო ფართი 2 მილიონი კვადრატული მეტრია, იქ არსებული დახლების საერთო სიგრძე კი 55 ათას მეტრს აღემატება. კვლევა 2015 წლის პერიოდს ეხება.
10 ფაქტი საქართველოს ბაზრების შესახებ
- ბაზრების რაოდენობა - 218
- სავაჭრო პუნქტების რაოდენობა - 59 ათასი
- დასაქმებულთა რაოდენობა - 46 ათასი ადამიანი
- დახლების საერთო სიგრძე - 55.3 ათასი მეტრი
- ბაზრების საერთო ფართობი - 2 მილიონი კვადრატული მეტრი
- ბაზრების შემოსავლები (2015 წელი) - 143.8 მილიონი ლარი
- ვაჭრების გადასახადი (ადმინისტრაციისთვის) - 59 მილიონი ლარი
- ბაზრობების 95.9% კერძოა, 4.9% კი საჯარო
- ბაზრების მხოლოდ 38%-ია გადახურული
- საკვირაო ბაზარი - 21