Apple-მა ორი ახალი სმარტფონი iPhone 8 და iPhone X წარადგინა. iPhone 8 iPhone 7-ის გაუმჯობესებულ ვერსიას წარმოადგენს, iPhone X კი რეალურად ახალი სმარტფონია.
iPhone 8 ბაზარზე 21 სექტემბრიდან გამოვა, სავარაუდოდ ამავე დღიდან ქართველ მომხმარებლებს უკვე ექნებათ მისი შეძენის საშუალება. მაღაზია iPhone+ უკვე ასახელებს ახალი სმარტფონის ღირებულებას, მისი პირველი მოდელი 5555 ლარი ეღირება, ეს კი იმის გათვალისწინებით, რომ აშშ-ში მისი საწყისი მოდელის ღირებულება $699 დოლარია (1712 ლარი დღევანდელი კურსით). პირველი მოდელის გაყიდვის შემდეგ iPhone 8-ის ღირებულება დაახლოებით 2 ათასი ლარი იქნება.
iPhone X კი ნოემბერში გამოვა, iPhone+ მის ღირებულებასაც ასახელებს მისი პირველი მოდელი 9999 ლარი ეღირება, ეს კი იმ ფონზე, რომ აშშ-ში მისი საწყისი მოდელის ღირებულება $999 დოლარი იქნება (რაც 2 447 ლარია დღევანდელი კურსით). პირველი მოდელის გაყიდვის შემდეგ iPhone X-ის ღირებულებაც ბევრად ნაკლები იქნება.
ახალი სმარტფონების მონაცემები:
iPhone 8
- საწყისი ფასი - $699
- ეკრანის ზომა - 4.7 ინჩი
- ეკრანის რეზოლუცია - 1334x750
- საწყისი მეხსიერება - 64 გიგაბაიტი
- კამერა - მთავარი 12 მეგაპიქსელი, წინა 7 მეგაპიქსელი
- პროცესორი - Apple A11
iPhone X
- საწყისი ფასი - $999
- ეკრანის ზომა - 5.8 ინჩი, OLED პანელი
- ეკრანის რეზოლუცია - 2436x1125
- საწყისი მეხსიერება - 64 გიგაბაიტი
- კამერა - ორმაგი 12 მეგაპიქსელი, წინა 7 მეგაპიქსელი
- პროცესორი - Apple A11