დიდ დიღომში ცეცხლმოკიდებული საწყობიდან მეხანძრე-მაშველებმა ლეკვები გამოიყვანეს.
საგანგებო სიტუაციების მართვის სამსახურის გადაწყვეტილებით, ლეკვებს მეხანძრე-მაშველები სახანძრო-სამაშველო განყოფილებაში წაიყვანენ და უპატრონებენ.
საგანგებო სიტუაციების მართვის სამსახურის მიხედვით თბილისში, დიდ დიღომში, ხანძარი ტექნიკის საწყობში გაჩნდა.
მათი ინფორმაციით დაიწვა 1,800 კვადრატულ მეტრამდე ფართობი. ადგილზე 23 სახანძრო-სამაშველო ჯგუფი მუშაობდა. შენობიდან უვნებლად გამოიყვანეს 1 ადამიანი. ხანძარი ლოკალიზებულია.