ვანო ზარდიაშვილის თქმით, საზოგადოებაში ერთი ადამიანი არ მოიძებნება, ვინც ეკა ბესელიაზე იტყვის, რომ ის კორუმპირებული არ არის. ზარდიაშვილმა ეს კომენტარი მისი და ეკა ბესელიას ფიზიკური დაპირისპირების შემდეგ გააკეთა.
"ადამიანი, ვინც ციხეში უნდა იჯდეს და კორუფციაზე შეგვიძლია ვისაუბროთ და ამ საზოგადოებაში ერთ ადამიანს ვერ ნახავთ ვინც იტყვის რომ ბესელია კორუმპირებული არ არის. შესაბამისად ეს არის ამ ქვეყნის უბედურება," - ამბობს ზარდიაშვილი.
პარლამენტის იურიდიულ კომიტეტზე ეკა ბესელიასა და ვანო ზარდიაშვილს შორის სიტყვიერი და ფიზიკური დაპირისპირება მოხდა.
მოსამართლე მირანდა ერემაძის მოსმენისას გედევან ფოფხაძემ ვანო ზარდიაშვილს უთხრა, რომ მისი "მორალური ხედვები" იცის, რაზეც ვანო ზარდიაშვილმა "ბესელიას მორალისკენ" მიუთითა. ამან ეკა ბესელიას გაღიზიანება გამოიწვია და ზარდიაშვილს ხელით შეეხო.
