თბილისში, მარჯანიშვილის მეტროს მიმდებარე ტერიტორიაზე, ახალგაზრდა მამაკაცი ცივი იარაღით დაჭრეს.
მომხდარი ფაქტი ტაბულას შსს-ში დაუდასტურეს. უწყების ცნობით, საგამოძიებო მოქმედებები უკვე დაწყებულია. სამართალდამცველებს ჯერჯერობით არავინ დაუკავებიათ.
შსს-ის ინფორმაციით, მამაკაცი საავადმყოფოშია გადაყვანილი და მის სიცოცხლეს საფრთხე აღარ ემუქრება.
მომხდართან დაკავშირებით გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.
