გლდანში, მეტროსადგურ ახმეტელის მიმდებარე ტერიტორიაზე უცნობმა პირმა 15 წლის მოზარდი დაჭრა.
1TV ინფორმაციით, მოზარდი ადგილზე მშობლებთან ერთად იმყოფებოდა. შემთხვევა 2 დღის წინ მოხდა.
ტაბულას შსს-ში დაჭრის ფაქტი დაუდასტურეს. უწყების ინფორმაციით, ეჭვმიტანილი ცხელ კვალზე დააკავეს. გამოძიება მიმდინარეობს საქართველოს სისხლის სამართლის კოდექსის 19-109-ე მუხლის მე-2 ნაწილის ბ ქვეპუნქტით, რაც წინასწარი შეცნობით არასრულწლოვნის მიმართ დამამძიმებელ გარემოებაში ჩადენილ განზრახ მკვლელობის მცდელობას გულისხმობს.