სპორტის სასახლესთან მამაკაცი დაჭრეს. მედიით გავრცელებული ინფორმაციით, ის საავადმყოფოშია გადაყვანილი. ჯერჯერობით უცნობია, რამდენად მძიმეა მამაკაცის ჯანმრთელობის მდგომარეობა.
შინაგან საქმეთა სამინისტროში ტაბულას უთხრეს, რომ გამოძიება სისხლის სამართლის კოდექსის 117-ე მუხლით მიმდინარეობს. კერძოდ, საუბარია ჯანმრთელობის განზრახ მძიმე დაზიანებაზე, რომელიც სამიდან ექვს წლამდე პატიმრობას ითვალისწინებს.
შსს სხვა კითხვებს არ პასუხობს. დამატებით ინფორმაციას მოპოვებისთანავე შემოგთავაზებთ.