გიგი უგულავას დაპატიმრება

ესტონეთის საგარეო უწყება: უგულავას განაჩენი ხელს არ უწყობს დიალოგის განვითარებას

ტაბულა

ესტონეთის საგარეო საქმეთა სამინისტრო ევროპული საქართველოს გენერალური მდივნის, გიგი უგულავას, დაპატიმრებას ეხმაურება და აცხადებს, რომ საქმეს შეშფოთებით ადევნებს თვალ-ყურს. 

"გიგი უგულავას წინააღმდეგ უზენაესი სასამართლოს გადაწყვეტილებას შეშფოთებით ვადევნებთ თვალ-ყურს. ამ განაჩენის ირგვლივ არსებული გარემოებები ხელს არ უწყობს დიალოგის განვითარებას, რომელიც მიმართულია საქართველოსთვის ასე საჭირო პოლიტიკური ვითარების დეპოლარიზაციისთვის,"- წერს ესტონეთის საგარეო უწყება Twitter-ის გვერდზე. 

ესტონეთის საგარეო საქმეთა სამინისტრომ უგულავას საქმესთან დაკავშირებით ევროკავშირის განცხადება გააზიარა. 

10 თებერვალს უზენაესმა სასამართლომ გიგი უგულავას 3 წლითა და 2 თვით თავისუფლების აღკვეთა მიუსაჯა საქმეზე, რომელსაც მას სასჯელი უკვე მოხდილი აქვს. 

ამ გადაწყვეტილების შემდეგ ყველა ოპოზიციურმა პარტიამ ხელისუფლებასთან დიალოგის გაგრძელებაზე უარი თქვა. 

კომენტარები