მესტიის მუნიციპალიტეტში, ჭუბერში თემში კაცი ცეცხლსასროლი იარაღით დაჭრეს. შემთხვევა დღის მეორე ნახევარში მოხდა.
შინაგან საქმეთა სამინისტროს ტაბულაში უთხრეს, რომ გამოძიება სისხლის სამართლის კოდექსის ორი მუხლით მიმდინარეობს: 117-ე მუხლის პირველი ნაწილით, რაც ჯანმრთელობის განზრახ მძიმე დაზიანებას გულისხმობს და ისჯება თავისუფლების აღკვეთით 3-დან 6 წლამდე, 236-ე მუხლის მე-3 ნაწილით, რაც ცეცხლსასროლი იარაღის მართლსაწინააღმდეგო შეძენა ან შენახვას გულისხმობს და ისჯება 3-დან 6 წლამდე და იმავე მუხლის მე-4 ნაწილით, რაც ცეცხლსასროლი იარაღის მართლსაწინააღმდეგო ტარებას გულისხმობს და ისჯება თავისუფლების აღკვეთით 4-დან 7 წლამდე.
დაჭრილი ამ დროისთვის საავადმყოფოშია გადაყვანილი. შსს-ის ცნობით, მისი მდგომარეობა სტაბილურია.
