ჯონ კრასინსკი და სტივ კარელი შოუს The Office გამოსვლიდან 15 წლის აღსანიშნავად ინტერნეტ სივრცეში შეხვდნენ ერთმანეთს და სერიალზე ისაუბრეს.
"სტივ, მე და შენ ამ კვირას გრანდიოზული იუბილე გვაქვს. გახსოვს, პატარა შოუში, რომელსაც The Office ერქვა, ვმონაწილეობდით? ამ კვირას 15 წელი შეუსრულდა!" თქვა კრასინსკიმ.
"ჩემი ყველაზე სახალისო მოგონებები ამ შოუს გადაღებას და ინტერვიუებს უკავშირდება. შენი სახის დანახვაც ძაან მიხარია, მენატრები, მეგობარო. " აღნიშნა კარელმა.
მსახიობებმა საიუბილეო შეკრებაზე ისაუბრეს, თუმცა კრასინსკიმ აღნიშნა, რომ იმედი აქვს ადამიანები ჯერ ჩვეულ რეჟიმს და ერთმანეთის ნახვას დაუბრუნდებიან.
