პროკურატურამ მესტიის სოფელ მულახში მომხდარი მკვლელობის ფაქტზე დაკავებულ მესაზღვრეს ბრალი წარუდგინა. ბრალდებული სამართალდამცველებს დღეს ჩაბარდა.
უწყების ინფორმაციით, დაკავებულს ბრალი სისხლის სამართლის კოდექსის 108-ე და 236-ე მუხლის მეოთხე ნაწილით წარედგინა, რაც განზრახ მკვლელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.
20 აპრილს მესტიის რაიონის სოფელ მულახში სასაზღვრო პოლიციის თანამშრომლები ერთმანეთს დაუპირისპირდნენ. სროლის შედეგად ერთი მათგანი გარდაიცვალა.
