რუსეთში ომსკის ოლქის ქალაქ ტიუკალინსკში რუსმა ფოტოგრაფმა, სლავა სტეპანოვმა, დრონით ტყე გადაიღო, რომელსაც რუსულად ვლადიმირ ლენინის სახელის დაწერილობის ფორმა აქვს.
ფოტოგრაფის თქმით, ფიჭვები ამ განლაგებით, სავარაუდოდ, გასული საუკუნის 70-იან წლებში დარგეს.
"საბჭოთა კავშირში ადამიანები ყურადღებას ამახვილებდნენ რაიმე თარიღების აღნიშვნაზე, განსაკუთრებით კი, ლენინის დაბადების დღეზე და 1917 წლის ოქტომბრის რევოლუციის თარიღზე," - თქვა სტეპანოვმა.
1970 წელს ლენინის დაბადებიდან 100 წლისთავი აღნიშნეს და, ალბათ სწორედ მაშინ მისცეს ტყეს ამგვარი ფორმა.
შეგახსნებთ, რომ 2020 წლის 22 აპრილს, რუსეთში ვლადიმირ ლენინის დაბადებიდან 150 წლისთავზე ირკუტსკის ოლქში სოფელ ლენინოს სახელი გადაარქვეს და ნოვოლენინო დაარქვეს.
