ჩემი მოლოდინი ასეთია – იმის მიხედვით იქნება ყველაფერი, რა დემოკრატიულობითაც მოიქცევა ხელისუფლება, იმოქმედებს, თუ არა კონსტიტუციის დაცვით.
თუ ხალხმა, მოქალაქეებმა ნახეს, რომ ირღვევა კონსტიტუციით მინიჭებული უფლებები, რომ ხელისუფლება მოიქცა არადემოკრატიულად, დაარღვია კონსტიტუცია და გააყალბა ხმები, რა თქმა უნდა, ამის მიხედვით მოიქცევა ხალხი.
საპასუხოდ ხელისუფლება მიიღებს დიდ საპროტესტო ტალღას.
ქვეყანაში უკვე ისეთი სოციალურ-ეკონომიკური გაჭირვებაა, იმდენად უკმაყოფილონი არიან მოქალაქეები (ამას ყველა გამოკითხვა ადასტურებს, რომ ხალხი არ დაუშვებს და არ მოითმენს ხელისუფლების მიერ გაყალბებულ არჩევნებს.
ჩვენ ყველა, ოპოზიცია, ხალხთან ერთად დავიცავთ ხმებს და გამოვიყენებთ საერთაშორისო კონვენციით მონიჭებულ უფლებებს.
არ დავუშვათ ძალაუფლების უზურპაცია-მიტაცება, რადგან ეს დანაშაულია – ფაქტობრივად სახელმწიფოებრიობის რღვევაა.
თაკო ჩარკვიანი – სტრატეგია აღმაშენებლის ლიდერი და საბურთალოს მაჟორიტარი დეპუტატობის კანდიდატი.