ეროვნული ბანკის მიერ სავალუტო აუქციონზე 46.6 მილიონი დოლარის გაყიდვის შემდეგ ეროვნული ვალუტა გამყარდა. ახალი კურსით ლარი დოლართან მიმართებით 0.55 თეთრით, ხოლო ევროსთან მიმართებით 0.23 თეთრით გამყარდა.
ახალი გაცვლითი კურსის მიხედვით, 1 დოლარის ღირებულება 3.1318 ლარია, ხოლო 1 ევროსი 3.9424 ლარი.
მხოლოდ სექტემბერ-ოქტომბერში სებ-მა 320 მილიონი დოლარი გაიტანა სავალუტო ბაზარზე. მთლიანად, მიმდინარე წელს კი ეროვნულმა ბანკმა 822.6 მილიონი აშშ დოლარი გაყიდა.